Matius 18:8 - Alkitab Duri

⁸ Ia ke limammu ba'tu ajemu ntumangko mumadosa, ta'takkii ammuca'beanni, sanga la'biran ke menjaji tosalatampako, apa tuoko sola Puang Allataala, na ia ke sukku'i to kalemu, apa dipatamako api naraka dukku te'da cappa'na.

Matius 18:8 Referans Kwoze

Roma 13:12

Cingga'tu'mora naratu to kasalamatan. Iamo joo tapajaimi mpugauk kagajatan. Taparewaimo kaleta' panggaukan melo.

Pengkitanna Yahya 14:10

la nniso' anggoro' kamabirisan-Na Puang to mangkamo diballuan tama isotan kamabirisan-Na to tangdirau wai moi ci'di'. Battuananna la disessa joo tau lan api manglanya-lanya jio olona Anak Bembala' sola malaeka'-Na Puang.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Lukas 14:33

Mpatarruhhi kadan-Na Puang Isa nakua, “Susi toda kamu'. Te'da bang kamu' mesa' tau ngkullei menjaji tonturu'na', ke te'da mipasalaii penawa to apammi.

Matius 25:46

Ia tuu lako tau susi joo la disessa te'da cappa'na, apa ia to tompugauk pakkaeloran-Na Puang Allataala la diben katuoan melo te'da cappa'na.”

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Lukas 16:24

Metambami nakua, ‘Oo ambe', Nabi Ibrahim, kamaseina'! Tasuapi dikka' tuu Lazarus nao'tonni to jarinna do' wai, nacakka'ii to lilaku', nasaba' tangkusaramo to lussunna tee api.’

Matius 17:27

Apa dikua danggi' namabirih tee mai tau, malemoko mamekan lako randan tasik. Ia to bale bungah muala den doi' lan anga'na, alai tapamajaranni sola dua tama Bola Puang Allataala.”