Matius 17:3 - Alkitab Duri

³ Nakita toomi to Nabi Musa sola Nabi Elia sipangkada-kada sola Puang Isa.

Matius 17:3 Referans Kwoze

Lukas 24:44

Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Markus 9:4

Nakita toomi to Nabi Musa sola Nabi Elia sipangkada-kada sola Puang Isa.

Lukas 24:27

Mangkai joo too nabattuanannimi Puang Isa to apa pura diuki' lan Sura' Allataala to ntuju kalena. Napamula jio mai sura'na Nabi Musa ratu lako sura'na nabi laen.

Lukas 16:16

Ia to atoranna Nabi Musa na pangngajaranna nabi laen tatta'i dipake angge wattunna Nabi Yahya. Mammulami joo wattu dipangpeissenan tarruh to Kareba Kasalamatan umbo nakua Puang Allataala mangparenta susi Raja. Na napassialai tongan tau la menjaji umma'-Na Puang Allataala lan kaparentan-Na.

Lukas 9:33

Ia tonna la malemo joo tau sola duai ssalai Puang Isa, nakuamo Petrus lako Puang Isa, “Oo Guru, masannangki' ntee. Melo ke ngkabua'kan tallu bola-bola, mesa' tanii, mesa' nanii Nabi Musa, na mesa' nanii Nabi Elia.” (Ia joo kada napau punala bangri Petrus, te'da naissenni patunna.)

Lukas 1:17

Na la menjaji pesuro matappa'-Na Puang Allataala, na dipakuasa susi Nabi Elia. La napasikalinoi to ambe' na anakkana. Na ia to totangkainawa naajahhi mangtangngah susi tomelo penawa. Susimo joo napasadiai to tau ntarima Puang.”

Yahya 1:17

Ia to atoran-Na Puang Allataala nabenki' Nabi Musa, apa ia to pangpakamoja' sola katonganan jio mai Puang Allataala napamanassa Puang Isa Almaseh.

Matius 17:2

Ia tonna ratumo de', nakitami to Puang Isa balik rupan-Na. Ia to rupan-Na susi allo mangngarrang na ia to pakean-Na memmabuccang cumbia'-bia'.

Matius 17:4

Nakuamo Petrus, “Oo Puang, masannangki' ntee. Ia ke takabudai la ngkabua'na' tallu bola-bola, mesa' tanii, mesa' nanii Nabi Musa, na mesa' nanii Nabi Elia.”