Matius 16:6 - Alkitab Duri

⁶ Mangkadami Puang Isa nakua, “Majaga kamu' lako raginna to-Farisi sola to-Saduki.”

Matius 16:6 Referans Kwoze

Lukas 12:1

Ia joo wattu sirempunmi massa'bu-sa'bu to tau madoang ngkita Puang Isa. Nasisi'pin-si'pin ntalimbungngi to Puang Isa anna den to disilesei ajena. Napamulami Puang Isa nnajahhi anak gurun-Na nakua, “Majaga kamu' jio mai raginna to-Farisi. Ia to kusanga iamo to kamajekkonganna.

Galatia 5:9

Ia to pangngajaranna wa'ding memmaluah, susi to napau tau, “Ia to ragi ci'di' mpaloboh ta'pung, ke mangkami dilama.”

Markus 8:15

Napupangngingaranmi Puang Isa nakua, “Majaga kamu' lako raginna to-Farisi sola Raja Herodes.”

Matius 16:12

Mane'ri napahang anak gurun-Na kumua, ia to nasanga majaga lako raginna to-Farisi sola to-Saduki battuananna majaga lako pangngajaranna to-Farisi sola to-Saduki.

Lukas 12:15

Mpatarruhhi kadan-Na Puang Isa lako tobuda ntuu jio nakua, “Majaga kamu', miingaran meloi, danggi' mimadoang nnassang sininna apa lan tee lino. Nasaba' ia to katuoanna tau te'da napole jio mai kasugiran, moi nasugih lallang.”

Matius 3:7

Apa ia tonna kitai kumua buda to-Farisi sola to-Saduki ratu kumua nadijio' toda, mangkadami nakua, “Ee, kamu' bati' ulah balu! Te'da mikullei mpalaian kalemi jio mai pangcalla-Na Puang Allataala to la ratu!

Matius 16:1

Den ba'tu pira-pira to-Farisi sola to-Saduki ratu la ssedei to Puang Isa. Meta'dai anna pugauk tanda mejangngaran, la mpamanassai kumua ia to kuasan-Na pole jio tongan mai Puang Allataala.

Matius 16:5

Ia tonna ratumo lian sambali'na tasik to anak gurun-Na Puang Isa, mane' naingaranri kumua te'da nabawa roti.

Matius 16:7

Apa te'da naissenni anak gurun-Na joo pangpasusian nasipangkada-kada nakua, “Iamo namangkada susi joo, nasaba' te'da tabawa roti.”

Matius 16:11

Ciapari na te'da mipahangngi kumua tangngia roti tongan to kusanga, ‘Majaga kamu' lako raginna to-Farisi sola to-Saduki.’ ”

Yahya 4:33

Mangpamulami to anak gurun-Na sikutana-tana nakua, “Denraka tau mbawanni kinande?”