Matius 16:1 - Alkitab Duri

¹ Den ba'tu pira-pira to-Farisi sola to-Saduki ratu la ssedei to Puang Isa. Meta'dai anna pugauk tanda mejangngaran, la mpamanassai kumua ia to kuasan-Na pole jio tongan mai Puang Allataala.

Matius 16:1 Referans Kwoze

Lukas 11:16

Den too tau laen madoangngi la ssedei to Puang Isa. Meta'dai anna pugauk tanda mejangngaran, la mpamanassai kumua ia to kuasan-Na pole jio tongan mai Puang Allataala.

Jamanna Rasulu' 4:1

Ia tonna mangkada unapa Petrus sola Yahya lako tobuda, siratuanni to imang sola kapala pangjagana Bola Puang Allataala na to-Saduki.

Matius 16:6

Mangkadami Puang Isa nakua, “Majaga kamu' lako raginna to-Farisi sola to-Saduki.”

1 Korintus 1:22

Meta'dai to to-Yahudi tanda mejangngaran menjaji butti, na ia to to-Yunani gaja mpattuanni kapaissenan linona.

Yahya 8:6

Naanggai' mekutana susi joo la ncobai to Puang Isa dikua nawa'ding mpasalai. Apa cukku bangngi Puang Isa, na mpangngukiran jarin-Na do' litak.

Jamanna Rasulu' 5:17

Katampakanna magajinawai joo Imang Lompo sola taunna, iamo to torroan to-Saduki,

Lukas 20:27

Mangkai joo too, ratumi to ba'tu pira-pira to-Saduki lako Puang Isa. Ia joo to-Saduki te'da nakatappa'i to katuoan pole' jio mai kamatean.

Lukas 20:23

Apa naissen Puang Isa to lan penawanna joo tomekutana.

Lukas 10:25

Mangkai joo too, denmi mesa' guru agama la nnakkalanni Puang Isa, naden lalan nanii mpasalai. Malemi lako, nakua, “Oo Guru! Apara to sipato' la kupugauk, angkuampa' katuoan melo te'da cappa'na?”

Markus 12:18

Mangkai joo too, ratumi to ba'tu pira-pira to-Saduki lako Puang Isa. Ia joo to-Saduki te'da nakatappa'i to katuoan pole' jio mai kamatean. Nakuamo,

Markus 12:15

Apa naissen Puang Isa to lan penawanna joo tomekutana. Iamo joo nakuanni, “Ciapari micobana'? Pakitanna' to doi' dinar.”

Markus 10:2

Ratumi to ba'tu pira-pira to-Farisi madoang la ssede Puang Isa, namekutana nakua, “Situru' atoran agamanta', wa'dingraka to tau ssarak bainena?”

Matius 27:62

Masawanna tonna Allo Katorroanmo, malemi tuu lako kapala imang sola to-Farisi mangngolo lako Gubernur Pilatus,

Matius 23:2

“Ia joo guru agama sola to-Farisi pada bang una Nabi Musa ke mpangpangngajaranni pangngajaranna Nabi Musa.

Matius 22:23

Ia bang unamo joo allo naratu to ba'tu pira-pira to-Saduki lako Puang Isa. Ia joo to-Saduki te'da nakatappa'i to katuoan pole' jio mai kamatean.

Matius 22:18

Apa naissen Puang Isa to lan penawanna joo tomekutana, iamo joo nakuanni, “Ee, tomajekkong! Ciapari micobana'?

Matius 22:15

Malemi sipangkada-kada tuu lako to-Farisi umbo nakua la nnakkalannii to Puang Isa, naden lalan nanii mpasalai.

Matius 19:3

Ratumi to ba'tu pira-pira to-Farisi madoang la ssede Puang Isa namekutana nakua, “Situru' atoran agamanta', wa'dingraka to tau ssarak bainena, nasaba' mangrupa-rupa passabatan?”

Matius 15:1

Den ba'tu pira-pira to-Farisi sola guru agama jao mai kota Yerusalem ratu ssikitan Puang Isa. Mekutanami lako nakua,

Matius 12:14

Apa ia joo to-Farisi messunmi lan mai bola passambajangan, namale sipangkada-kada la mbunoi to Puang Isa.

Matius 9:11

Denmi to-Farisi ngkitai anna kutanaii to anak gurun-Na Puang Isa nakua, “Ciapari nakumande ora gurummu sola passassung na totangnturu' atoran agama?”

Matius 5:20

Iamo joo, la miingaran kumua, te'da milangkullei menjaji umma'-Na Puang Allataala, ke te'da mila'bih nturu' pakkaeloran-Na Puang Allataala na ia to guru agama sola to-Farisi.”

Kada Bulawan 26:5

Dibali bango' todapi to pekutana bango'na tobattuk, dikua nadanggi' nasanga kalena tomacca.