Matius 15:8 - Alkitab Duri

⁸ ‘Nakua Puang Allataala: Ia tee mai tau kadanna manda kumua napakala'bihna', apa sitonganna te'da nakasiri'na'.

Matius 15:8 Referans Kwoze

Jamanna Rasulu' 8:21

Te'da iko musipato' nturu'i tee jamanki', sanga te'da iko mumalampu' lako Puang Allataala.

1 Petrus 3:10

Den diuki' lan Sura' Allataala kumua, “Ia to tongkabudai katuoan melo te'da cappa'na la najagai to timunna, nadanggi' napaui to apa gaja'. Na ia to madoang masannang, danggi' namangnguraga.

Kada Bulawan 23:26

Ee anakku', kita rampa'i to katuoanku', mupangpasusii!

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

Yahya 1:47

Malemi Natanael lako Puang Isa. Ia tonna kitami Puang Isa to Natanael nakuamo mpaui, “Inde'mi to tomassipa' to-Israel tongan, te'da lalo pangnguraga lan kalena!”

Matius 15:7

Ee, tomajekkong kamu'! Nang tongan to napau Nabi Yesaya tonna anu' mpau kamu' kumua,

Markus 7:6

Mebalimi Puang Isa nakua, “Ee, tomajekkong kamu'! Nang tongan to napau Nabi Yesaya tonna anu' mpau kamu' kumua, ‘Nakua Puang Allataala: Ia tee mai tau kadanna manda kumua napakala'bihna', apa sitonganna te'da nakasiri'na'.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.