Matius 15:2 - Alkitab Duri

² “Ciapari na te'da naturu'i anak gurun-Ta' to ada' tojolota'? Te'da nabasei limanna jolo', namane' kumande.”

Matius 15:2 Referans Kwoze

Lukas 11:38

Jangngahmi joo to-Farisi ngkita Puang Isa kumande, nasaba' te'da nabasei limanna jolo', situru' atoran agama, namane' kumande.

Markus 7:2

Ia joo to-Farisi susi bang una padanna to-Yahudi nturu' tarruh ada' tojolona. Te'da nakumande, ke te'dapi namembase lima. Ia to apa dialli jio mai pasa', pemali dikande ke te'dapi nadibasei jolo'. Na budapa atoran laen to napengkullei tongan la mpugaukki. Susinna mbasei isotan, kandean na kurin. Na ia tee to-Farisi sola guru agama ngkitai to ba'tu pira-pira anak gurun-Na Puang Isa kumande nasangai carepa, nasaba' te'da nambasei limanna jolo'.

Kolose 2:8

Majaga kamu', danggi' naden tau mpalao sala kamu' nnajahhi kamu' kapaissenan tolino ammimengkaunan pole'. Te'da bua'na joo kapaissenan tolino, na te'da too napole jio mai Almaseh, apa pole jio mai tomakuasa ba'tu tomangparenta jao langi' to ngkuasai lino na pangngajaran disimanahhi jio mai tojolota'.

1 Petrus 1:18

Napukaunan kamu' jolo to sipa' te'da bua'na to mimanah jio mai tojolomi. Miissen to apa mangka napake Puang lla'bak kamu' ammikullei mpatorro sipa' jolomi. Ia to pela'bak tangngia ewanan la masolang, susinna pera' ba'tu bulawan,

Markus 7:5

Iamo joo namekutana lako Puang Isa nakua, “Ciapari na te'da naturu'i anak gurun-Ta' to ada' tojolota'? Te'da nabasei limanna jolo', namane' kumande.”

Matius 15:3

Mebalimi Puang Isa nakua, “Na ciapari na te'da mituru' parenta-Na Puang Allataala, na ia ora mituru' tongan to atoran migaraga kalena?

Galatia 1:14

angkusamacca-maccanna lan agama Yahudi, kucau' ngasanni to sangbara'ku' jio bangsaku', sanga liwa' kukanana'i to atoran tojoloku'.

Ester 3:3

Ia to pangjama istana mekutana lako Mordekhai nakua, “Ciapari mucia' nturu' parentana raja?”