Matius 14:8 - Alkitab Duri

⁸ Ia joo ana'dara nturu' pakkaeloranna indona nakua, “Ie' puang, meta'dana' kita', ulunna Nabi Yahya nadipajiong baki', kuta'pa diben silalona.”

Matius 14:8 Referans Kwoze

Markus 6:24

Malemi joo ana'dara ngkutanai indona nakua, “Ee indo', apara la kupeta'da?” Napebalimi indona nakua, “Meta'dako ulunna Nabi Yahya.”

Kada Bulawan 29:10

Ia to tomaruruh penawanna nakaba'ci topapatean, apa napasalama' tomelo sipa'na.

Kada Bulawan 1:16

Ia to tosusi joo, gaja doi' mpugauk kagajatan, namarippa' papatean.

Matius 14:7

Iamo joo namassapah nakua, “Ee, apa to mupeta'da, iami la kubenko.”

Matius 14:9

Masussa penawanna Raja Herodes tonna sa'dingngi to peta'danna joo ana'dara, apa la napatumbapi namangkamo napassaparan jio olona toratunna. Jaji natarimami to peta'danna.

Matius 14:11

Nabawami tama to ulunna Nabi Yahya jiong baki' nabenni joo ana'dara. Nabawami lako indona napakitanni.

Markus 6:25

Male pole' omi lako Raja Herodes nakua, “Ie' puang, meta'dana' kita', ulunna Nabi Yahya nadipajiong baki', kuta'pa diben silalona.”

Markus 6:28

Nabawami to ulunna Nabi Yahya jiong baki' nabenni joo ana'dara. Naalami nabenni indona.