Matius 14:3 - Alkitab Duri

^3-5 Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Madoangngi la mpangpebunoanni, apa malaja'i lako tobuda, nasaba' nasanga ia tau nabi to Yahya. Iamo joo napangpejokkoan bangri nadipumpung dipatama pangtarungkuan.

Matius 14:3 Referans Kwoze

Markus 6:17

Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Iamo joo namagalli Herodias anna madoang la mpangpebunoanni, apa malaja'i sanga tangnapangben Raja Herodes. Dipangpejokkoan bangri to Nabi Yahya nadipumpung dipatama pangtarungkuan. Nasuai Raja Herodes to tau njagai meloi to Nabi Yahya lan pangtarungkuan, sanga nakalaja'i. Naissen kumua maruruh penawanna Nabi Yahya nturu' pakkaeloran-Na Puang Allataala. Na nakabudai mpesa'dingngii ke mangngajahhii, apa siputtak lan to penawanna ke nasa'ding omi to pangngajahna.

Matius 4:12

Ia tonna sa'dingmi Puang Isa kumua ditarungkumi to Nabi Yahya, malemi re' tana Galilea.

Markus 6:22

Ia joo wattu menari'mi to anakkana baine Herodias, na gaja napumasannang Raja Herodes sola toratunna. Nakuanmi Raja Herodes joo ana'dara, “Ee, apara mukadoangngi, peta'dai angkubenko.”

Matius 11:2

Ia tonna sa'dingmi Nabi Yahya lan pangtarungkuan to kareba apa to napugauk Puang Isa, nasuami to ba'tu pira-pira anak gurunna male lako Puang Isa mekutana kumua,

Lukas 13:1

Ia joo wattu nacuritami tau lako Puang Isa to ba'tu pira-pira to-Galilea to male mangkaroba lako Puang Allataala, nabunoi Gubernur Pilatus.

Matius 14:6

Ia tonna mpengngingaranni allo kajajianna Raja Herodes menari'i to anakkana baine Herodias napengkitaii toratu, na liwa' napumasannang Raja Herodes.

Markus 6:14

Nasa'ding todamo Raja Herodes to karebanna Puang Isa, nasaba' kaissenanmo umbo-umbo nanii. Den tau mpaui kumua, “Nabi Yahya tee tuo pole'! Iamo joo namakuasa mpugauk tanda mejangngaran.”

Markus 8:15

Napupangngingaranmi Puang Isa nakua, “Majaga kamu' lako raginna to-Farisi sola Raja Herodes.”

Lukas 3:1

Ia tonna sangpulo limamo taunna Tomaraja Tiberius mangparenta jio kaparentan Roma, na Pontius Pilatus menjaji gubernur jio tana Yudea, Raja Herodes mangparenta jio tana Galilea, Filipus sile'tona Raja Herodes mangparenta jio tana Iturea na tana Trakhonitis, na ia to Lisanias mangparenta jio tana Abilene.

Lukas 8:3

Susi too Yohana, bainena Khuza. (Ia to Khuza nnurusu' doi'na Raja Herodes.) Den tooi Susanna na ba'tu pira-pirapa baine laenna. Ia tuu lako baine pada mpasadia kaparalluanna Puang Isa sola anak gurun-Na mpake kasugiranna.

Lukas 13:31

Ia joo wattu den ba'tu pira-pira to-Farisi ratu lako Puang Isa nakua, “Melo ke tasalaii tee kampong, nasaba' madoang Raja Herodes la mbunoki'.”

Lukas 23:7

Ia tonna dipauanmo kumua, “Ia kita' tee Puang Isa to lan kuasa kaparentanna Raja Herodes,” nakiringmi Gubernur Pilatus lako Raja Herodes to ratu toda ia jao kota Yerusalem joo wattu.

Lukas 23:11

Na Raja Herodes sola surudadunna mpelle' Puang Isa na ncapa'-capa' tooi, napapakeii pakean kamala'biran. Mangkai joo too, namane' mpapolei lako Gubernur Pilatus.

Jamanna Rasulu' 4:27

Mpatarruhmi kadanna nakua, “Oo Puang, tongan to kadan-Ta', nasaba' denmo nasirempun Raja Herodes na Gubernur Pontius Pilatus lan tee kota sola bangsa tangngia to-Yahudi na to-Yahudi nnewa Puang Isa kaunan-Ta'. Ia to kaunan mattantun-Ta' mangkamo taangka' menjaji Raja Mangpasalama'.

Jamanna Rasulu' 12:1

Ia joo wattu napamulami Raja Herodes ssessa tomatappa' lako Puang Isa.