Matius 13:8 - Alkitab Duri

⁸ Apa den too to ta'pah do' litak malompo, anna membua. Den to manglokkon pessaratuh, den pennannan pulona, na den too to manglokkon pentallung pulo.”

Matius 13:8 Referans Kwoze

Lukas 8:15

Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

Matius 13:23

Na ia to banne ta'pah do' litak malompo dipasangrapangngi to tossa'ding kadan-Na Puang Allataala, napahangngi napugaukki, anna membua melo. Den to manglokkon pessaratuh, den pennannan pulona, na den too to manglokkon pentallung pulo.”

Yahya 15:8

Na ia ke membua budamo kamu', iamo dinii mpakala'bih Ambe'-Ku'. Pajan toomi kumua kamu'mo to ntongan-tongannii nturu'na'.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Roma 7:18

Kuissen kumua tangmelo to penawangku', nasaba' moi madoangna' mpugaukki to melona, te'da kukullei mpugaukki.

Matius 13:7

Den too to ta'pah lan tangnga duri. Saloboh-lobohnami joo duri, nasirimpihhii joo tananan arannai mate.

Markus 4:8

Apa den too to ta'pah do' litak malompo. Malompomi joo banne na maloboran, anna membua. Den to manglokkon pentallung pulo, den pennannan pulona, na den too to manglokkon pessaratuh.”

Markus 4:20

Na ia to banne ta'pah do' litak malompo dipasangrapangngi to tossa'ding kadan-Na Puang Allataala, namasannang ntarimai napugaukki, anna membua melo. Na den to manglokkon pentallung pulo, den pennannan pulona na den too to manglokkon pessaratuh.”

Lukas 8:8

Apa den too to ta'pah do' litak malompo. Maloboranmi, namembua manglokkon pessaratuh.” Ia tonna mangkamo Puang Isa mangngajahhi naandongngimi gamaran-Na nakua, “Ingaranni to apa mangka misa'ding, sanga ketalinga kamu'!”