Matius 10:41 - Alkitab Duri

⁴¹ Ia to tontarima nabi, sanga tonasuai Puang Allataala, la llolongan barakka' susi nabi. Na ia to tontarima tomanggauk melo, sanga tomeloi, la llolongan barakka' susi tomanggauk melo jio mai Puang Allataala.

Matius 10:41 Referans Kwoze

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

2 Yahya 1:8

Iamo joo mijagai meloi to apa kipengkulleimo mpugaukki ammida'tan matappa' lako Puang Isa. Ia ke te'damo mimatappa', te'da milannampa' katuoan melo te'da cappa'na jio mai Puang Allataala.

1 Korintus 9:17

Ia ke la aku' mpilei angkupangpeissenan Kareba Kasalamatan, la dipagajira'. Apa tangngia pangpileanku', sanga napabarakkannira' Puang Allataala mpangpeissenanni.

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

Matius 6:18

danggi' naissenni tau kumua puasa kamu', na Ambe'mi manda Puang Allataala to tangnakita mata, la nnissenni, to la mben kamu' pahalami.”

Roma 16:23

Sallangna Gayus mati' to mpupangbongina' jio bolana to nanii too sirempun jamaa massompa. Sallangna Erastus to nnanna doi' kota. Sallangna too tomatappa' Kwartus. [

Matius 6:6

Apa ia ke massambajang kamu', mentama kamu' sapa', misalli'i, mimane' massambajang lako Ambe'mi Puang Allataala, to tangnakita mata. Na ia to mipugaukkuna nakita Ambe'mi Puang Allataala, to la ben kamu' pahalami.

Jamanna Rasulu' 16:15

anna dijio' ngasan sintong repokkona. Ia tonna mangkamo dijio', napeta'dakan nakua, “Ee, kupusile'to, ia ammisangai kumua matappa' tonganmo' lako Puang Isa, mileppangpa dikka' mangbongi jio bolaku'.” Mengkamase-mase tonganni angkitorro mangbongi.

Matius 6:4

Ma'na bangmo te'da tau nnissenni to mipugaukkuna, saliwanna Ambe'mi Puang Allataala jao suruga to ngkita apa membuni, na la mben kamu' pahalami.”

Matius 6:1

Mangngajahhimi Puang Isa nakua, “Danggi' mipugauk panggaukan melo ke la mipangpekitanri lako tau, dikua napuji kamu'. Ia ammimanggauk susi joo, te'da miampa'i to pahalami jio mai Ambe'mi Puang Allataala jao suruga.

Matius 7:8

Nasaba' ia to tometa'da lako Puang Allataala la dibenni, na ia to tonnangahhi la naampa'i, na ia to tomangdedek la ditimbakanni bola.

Matius 25:44

Mebalimi tuu lako to jio sa'de kairing-Ku' nakua, ‘Oo Puang, wattu umbora antatangbarah ba'tu mawakke ba'tu mentoratu, ba'tu tangmebaju, ba'tu masaki, ba'tu ditarungku angkitangnjaranaiki'?’

Matius 25:45

La mebalina' kukua, ‘Sitonganna kukuan kamu' kumua, ia to te'da mipugaukki lako tee mai to kupusile'to, moi namakario-rio, battuananna te'da mipugaukki lako kale-Ku'.’