Matius 10:16 - Alkitab Duri

¹⁶ Nakuan pole' omi Puang Isa to anak gurun-Na, “Pesa'dingngii! Kusua kamu' male susi bembala' mentama tangnga serigala. Iamo joo la macca kamu' mbawa kalemi, mimaruruh.

Matius 10:16 Referans Kwoze

Lukas 10:3

Malemo kamu'! Kusua kamu' male susi bembala' mentama tangnga serigala.

Filipi 2:15

dikua namanassa lako tolino to tangmaruruh na togaja', kumua tomelo kamu' mimaruruh na te'da caccami, apa taun-Namo kamu' Puang Allataala. Miarrangngii to tolino to tangnturu' Puang Allataala susi arrang lako tosala lalan,

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

Kolose 4:5

La macca kamu' ke sola kamu' totangnturu' Puang. Na la mipake to wattu diben kamu' mpangpeissenanni to karebanna Almaseh umbo-umbo minii.

Lukas 21:15

Aku' kalena la mben kamu' kapaissenan umbo mikua la mebali, anna te'da nakullei ewalimmi mbalii iarika mpasalai apa to mipau.

Jamanna Rasulu' 20:29

Kuissen kumua ia angkumalemo, la ratu to tau massipa' susi asu lampung mentama tangnga-tangngami, na te'da nalancirinnaii to tau pura diben kamu'.

2 Korintus 11:3

Apa magiangna', iamo ke denni to mpalao sala kamu' ammicia'mo matappa' tongan lako Almaseh susi jolona. Susi todai Hawa tonna anu' tonna sedei ulah napalao salai.

1 Tesalonika 5:22

Danggi' mpugauk kagajatan.

2 Korintus 11:14

Te'da namejangngaran ke susii joo, nasaba' moi Ballisi' ssullei too kalena mpuarrang arrang malaeka'-Na Puang Allataala.

1 Tesalonika 2:10

Kamu' ngkitakan sola Puang Allataala kumua te'da salaki', tomelo penawangki' na te'da caccana to panggaukanki' lako kamu' to tomatappa' lako Almaseh.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

2 Korintus 8:20

Nasolanni joo tau sanga cia'kan disanga tomajekkong, nadanggi' naden tau mpasalakan nnurusu'i joo doi' liwa' buda.

Matius 24:25

Jaji, ingaranni tee! Kupauan jolomo kamu' moi na te'dapa najaji.

Matius 24:45

Mangkadami Puang Isa nakua, “Susinna ke den kaunan melo to wa'ding dikatappa'i, iamo la naben kuasa puangna ngkapalai kaunan laenna, nabenni kande ke wattu kakumandeanmi.

Matius 25:2

Lima ana'dara bango', na lima ana'dara macca.

Matius 25:4

Na ia to lima macca, buda ia minynyak nabawa.

Matius 25:9

Mebalimi tuu lako ana'dara macca nakua, ‘Te'da kilampangbenni, nasaba' te'da dau naganna' kipake. Male kamu' nnallii.’