Matius 1:22 - Alkitab Duri

²² Susimi joo najaji to kadan-Na Puang Allataala mangka napau nabi tonna anu' kumua,

Matius 1:22 Referans Kwoze

Lukas 24:44

Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Matius 2:23

Ia tonna ratumo re', torro jiomi mesa' kota disanga Nazaret. Susimi joo najaji to kadan-Na Puang Allataala mangka napau ba'tu pira-pira nabinna tonna anu' kumua, “La disanga to-Nazaret to Raja Mangpasalama'.”

Jamanna Rasulu' 3:18

Apa moi nasusi joo, jajimi to apa pura napasan Puang Allataala to napau sininna nabin-Na tonna anu', kumua ia to Raja Mangpasalama' la gaja parri'.

Yahya 18:9

Mangkada susii joo, najaji to mangka napau jolomo nakua, “Oo Ambe' ia to tonabenna' Ambe', moi mesa' te'da namasolang.”

Matius 13:35

dikua anna jaji to kadan-Na Puang Allataala mangka napau nabi tonna anu' kumua, “Ia angkumangngajahhi, mpakena' pangpasusian. La kupangpeissenan sininna to tangnaissennapa tolino sipammula jio mai dipadenna lino.”

Yahya 17:12

Ia tongkusola unapa, kuasan-Ta' kupake nnampaii. Kuampai melomo anna moi mesa' te'da namasolang, saliwanna to pura dipattantumo anna jaji to diuki' lan Sura' Allataala.

Yahya 15:25

Apa nang la susimi ia joo anna jaji to diuki' lan sura'na Nabi Musa kumua, ‘Nakaba'cina', moiraka nate'da kupugauk dosa.’

Yahya 10:35

Miissen kumua te'damo nawa'ding dita'dei to diuki' lan Sura' Allataala. Jaji ia ke den diuki' lan Sura' Allataala kumua Puang Allataala ssangai allataala to tontarimai to kadan-Na,

Matius 13:21

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu kadipakario-rioan, sanga ia joo kada, ta'pa balik pole'mi.

Matius 12:17

Iamo namangkada susi joo dikua najaji to kadan-Na Puang Allataala mpaui, to pura napau Nabi Yesaya tonna anu' kumua,

Matius 2:15

Torromi jio ratu lako matena Raja Herodes. Susimi joo najaji to kadan-Na Puang Allataala mangka napau nabi tonna anu' kumua, “Jio mai tana Mesir kutambaii to Anak-Ku'.”

Matius 8:17

Susimi joo najaji to kadan-Na Puang Allataala mangka napau Nabi Yesaya tonna anu' kumua, “Iamo mpupa'dik pa'dikkita' na llendokan sakinta'.”

Matius 5:17

Mangngajahhimi Puang Isa nakua, “Danggi' misangai kumua mentamana' lino la nta'dei atoranna Nabi Musa sola pangngajaranna nabi laen. Te'da kuratu kumua la kuta'deii, apa la kupamanassanra kamu' to battuananna.

Lukas 21:22

Nasaba' ia joo allo iamo allo nanii mangpabalahhi Puang Allataala, dikua anna jaji to apa diuki' lan Sura' Allataala.

Pengkitanna Yahya 17:17

Napugaukki joo tanduk susi joo situru' pakkaeloran-Na Puang Allataala, nasaba' mangkamo nasede Puang la mpugaukki. Iamo joo napada mbenni joo olok-olok kamawatanganna sola kuasanna, anna ia mangparenta, sajajinna to apa napau Puang Allataala.

Roma 1:2

Mangkamo napau Puang Allataala lako nabi, na mangka toomo diuki' lan Sura' Allataala kumua ia to Kareba Kasalamatan la dipangpeissenan.