Matius 1:1 - Alkitab Duri

¹ Ia to nunnungan nene-Na Puang Isa Almaseh, bati'nai Raja Daud jio mai bati'na Nabi Ibrahim susi tee:

Matius 1:1 Referans Kwoze

Galatia 3:16

Susi toomi to basse-Na Puang Allataala sola Nabi Ibrahim na bati'na. (Issen meloi, te'da nadiuki' lan Sura' Allataala kumua, “na sininna bati'na”, battuananna buda tau. Diuki' ia kumua, “na bati'na”, battuananna mesa'ra tau, iamo to Almaseh.)

Roma 1:3

Ia to Kareba Kasalamatan, iamo to karebanna Puangta' Puang Isa Almaseh, Anak Allataala. Ianna situru' katolinoan-Na, bati'nai Raja Daud,

Pengkitanna Yahya 22:16

Mangkadai Puang Isa nakua, “Aku' Puang Isa, mangkamo kusua to malaeka'-Ku' la mpamanassai to sininna tee lako jamaa. Aku'mo bati'na Raja Daud. Aku'mo susi bintuin sulo bai to mangngarrang ke melambi'.”

Yahya 7:42

Nasaba' diuki' lan Sura' Allataala kumua, Ia to Raja Mangpasalama' bati'na Raja Daud, na todijajian jio kota Betlehem, to kotana too Raja Daud.”

Jamanna Rasulu' 2:30

Apa naissenmo, sanga mesa'i nabi, to apa la jaji keanu'. Na mangkamo nabasse Puang Allataala kumua, ‘La kuangka'i to bati'mu menjaji raja ssulleko.’

Matius 1:18

Susi tee to kajajian-Na Puang Isa Almaseh. Maryam, to tangka'na Yusuf, iamo la njajian Puang Isa. Ia tonna te'dapa namamma' sola Yusuf, keba'tangmi. Te'da naissenni Yusuf kumua ia to kakeba'tanganna jajii nasaba' kuasan-Na Roh Allataala.

Roma 9:5

Ia to to-Israel bati'nai Nabi Ibrahim, Ishak na Yakub. Na ia to Almaseh, to mentolino, bati'na todai. Apa Iamo Allataala to te'da apa njaonannii, to sipato' dipakala'bih te'da cappa'na. Amin.

Roma 4:13

Ia to Nabi Ibrahim sola bati'na nabasse Puang Allataala la nnampui tee lino, tangngia nasaba' Nabi Ibrahim mpugauk atoran agama, apa nasaba' matappa'i anna dipupenjaji tomelo.

Matius 15:22

Denmi mesa' baine to-Kanaan ratu ngkandoppi' Puang Isa metamba-tamba nakua, “Oo Puang, bati'na Raja Daud, kamaseina'! Natamai setang to anakkaku' baine. Takkajulu' maparri'na!”

Matius 9:27

Ia tonna patarruhmo kalingkan-Na Puang Isa, denmi dua tobuta undi metamba-tamba nakua, “Oo Puang, bati'na Raja Daud, kamaseikan dikka'.”

Matius 3:16

Ia tonna mangkamo dijio', endekmi de' randan sa'dan, nata'pa titimbak to langi', nakitai Puang Isa to Roh Allataala mellao jao mai susi jangan-jangan nta'paii.

Amos 9:11

Nakua Puang Allataala, “La den wattunna Kulampake'deh pole'i to kaparentanna Raja Daud, to mangka dilanynya'i. Susi tau mpemeloi bola to mangka ro'pok, susi toomi joo kaparentanna Raja Daud Kupaden pole' susi tonna jolona.

Matius 1:2

Nabi Ibrahim njajian Ishak, Ishak njajian Yakub, Yakub njajian Yehuda sola ba'tu pira-pira sile'tona muane,

Lukas 1:33

Na la mparenta bati'na Yakub. Na ia to kadatuan-Na te'da cappa'na.”

1 Timotius 2:5

mesa'ra to Puang Allataala, na mesa' toora tau mpasikalino Puang Allataala na tolino, iamo to Puang Isa Almaseh,

2 Timotius 2:8

Ingaran meloi tee! Situru' Kareba Kasalamatan to kupangpeissenan, ia to Puang Isa Almaseh, bati'na Raja Daud, mangka tuo pole' jio mai kamatean.