Lukas 9:50 - Alkitab Duri

⁵⁰ Apa nakua Puang Isa ngkuanni, “Danggi' mianggaii, nasaba' ia ke te'da naewaliki', battuananna iamo solata'.”

Lukas 9:50 Referans Kwoze

Lukas 11:23

Ia to tote'da namenturu' lako Aku', iamo nnewana'. Na ia to tote'da nabaliina', iamo nggaja'-gaja' jaman-Ku'!”

Matius 12:30

Ia to tote'da namenturu' lako Aku', iamo nnewana'. Na ia to tote'da nabaliina', iamo nggaja'-gaja' jaman-Ku'.

1 Korintus 12:3

Iamo joo kupamanassan kamu' kumua, ia to tonapatuju Roh Allataala, moi mesa' tau te'da nalamangkada kumua, “Tampak ropu ia joo Puang Isa.” Susi toomi joo te'da mesa' tau ngkullei mangkada kumua, “Puang to Isa!” ke te'dai napatujui Roh Allataala.

Lukas 16:13

Te'da tau ngkullei mengkaunan lako dua puanggawa, sanga la nakabudai ia to mesa' na ia to laenna la nakaba'ci, ba'tu la napangjaman tongan-tongan to mesa' na ia to laenna makuttui mpangjamanni. Susi too kamu', te'da mikullei nturu' pakkaeloran-Na Puang Allataala, ke kasugiran lino manda miangah.”

Markus 9:41

Ingaranni tee kadang-Ku' kumua, ia to tompaiso' kamu', nasaba' mituru'na' Aku', Almaseh, la llolonganni barakka'.”

Matius 17:26

Mebalimi Petrus nakua, “Tomentama tondok.” Nakuamo Puang Isa, “Ia ke susii joo, te'da naparallu to pangtondokan mbajah sima.

Yosua 9:14

Naalami to-Israel ci'di' to kinallona to-Gibeon. Apa te'da nameta'da pangpatujun-Na PUANG Allataala jolo' napugaukki.

Matius 17:24

Ia tonna ratumo re' Kapernaum Puang Isa sola anak gurun-Na, ratumi to ba'tu pira-pira tomangrempun sima la dipatama Bola Puang Allataala namekutana lako Petrus nakua, “Nabajah unaraka gurummu to sima dipatama Bola Puang Allataala?”

Markus 9:38

Nakua Yahya lako Puang Isa, “Oo Guru, den tau kikita nnula'i setang mpau sangan-Ta', angkianggaii, nasaba' tangngia solata'.”