Lukas 9:42 - Alkitab Duri

⁴² Ia tonna mandoppi'mo joo pea lako Puang Isa, napessambakanmi setang natisintak-sintak to kalena. Apa nagarra'i Puang Isa joo setang, naula'i lan mai joo pea. Napamalagahmi Puang Isa joo pea, namane' solanni lako ambe'na.

Lukas 9:42 Referans Kwoze

Lukas 7:15

Mi'cikmi na cumadokko joo pea muane tuo pole'mo anna mangkada-kada. Nasolanmi Puang Isa lako indona.

Pengkitanna Yahya 12:12

Iamo joo tamangmaroah-roahmo antaparannu-rannu to kita' mari'pihmo inde' suruga. Apa maparri'mo kamu' totorro lan lino, nasaba' mellaomi mati' to Ballisi', liwa' birih, sanga naissenni kumua ci'di'mora to wattunna.”

Lukas 9:39

Ia ke natamai omi joo setang, metamba-tamba tongan natisintak-sintak to kalena sanggenna mangkambura-bura to kasolena. Te'da namessun joo setang ke te'dapi nasessa tonganni dikka'!

Markus 9:20

Nasolanni lako. Mane' ngkitai Puang Isa joo setang, nata'pa tisintak-sintak kalena joo pea, nasongka mengkaro-karo, namangkambura-bura to kasolena.

Jamanna Rasulu' 9:41

Natoei Petrus to limanna napake'dehhi. Mangkai joo too natambaii to tote'damo muanena sola tomatappa' laen, nasuai ratu ngkitai to Tabita tuo pole'mo.

Lukas 9:41

Mebalimi Puang Isa kumua, “Takkaliwa' ngasan kamu' tee! Tangmatappa' sola sala lalan tee tau too allo! Piranpara masainna la kunii torro, to la minii mpa'dikki penawang-Ku'? Bawai mai tuu anakkamu!”

Lukas 9:43

Jangngah ngasan tuu lako tau, nasaba' kuasan-Na Puang Allataala. Ia tonna jangngah bang unapa tuu lako tau ntangngahhi sininna to mangka napugauk Puang Isa, nakuamo lako anak gurun-Na,

Yahya 6:19

Agimo lima iarika annan kilo nanii manglopi, mane'ri ngkitai to Puang Isa lumingka jao wai mpendete'i to lopinna, anna silajatan to anak gurun-Na.