Lukas 9:3 - Alkitab Duri

³ Napasanni kumua, “Ia ammimale, danggi' mibawa apa-apa, susinna tekken, ba'tu sepu', ba'tu kande, ba'tu doi', ba'tu baju duang lambah.

Lukas 9:3 Referans Kwoze

Lukas 22:35

Mangkai joo too nakuanmi Puang Isa to anak gurun-Na, “Ia tongkusua kamu' tonna tee male mpangpeissenan Kareba Kasalamatan, kuanggai kamu' mbawa karappe', sepu' ba'tu sandala', kakuranganra kamu'ka?” Napebalii nakua, “Te'da!”

2 Timotius 2:4

Ia to mesa' surudadu male parari te'da naurusu'i to laenna, nasaba' madoangri mpugaukki to apa la napumasannang komandanna.

Lukas 12:22

Nakuamo Puang Isa lako anak gurun-Na, “Iamo joo, la miingaran! ‘Danggi' mipuselangngi to katuoanmi, to kumua apara to la mikande, ba'tu apara to la miputamangkale.’

Lukas 3:11

Mebalimi nakua, “Ia to tonnampui dua baju, la naben mesa' lako to te'da bajunna. Na ia to tonnampui kande la natawa-tawan tote'da kandena.”

Lukas 12:28

Ee, totangmatappa'! Ia ke naballoii Puang Allataala to reu jio padang susi joo, to tuo tee allo na masawa disumpun, apa pole'raka to kamu' sola ngasan!

Lukas 5:29

Ia tonna mangkamo joo, mangmaroah-roahmi Lewi jio bolana ntoratu Puang Isa. Buda passassung na tolaen nasolan kumande.

Markus 6:7

Natambaimi to sangpulo dua anak gurun-Na sirempun, nabenni kuasa nnula'i setang, namane' ssuai male sidua-dua,

Lukas 9:4

Ia to bola dinii ntarima melo kamu', jiomo kamu' torro sanggenna male pole' kamu' mpatarruh kalingkanmi.