Lukas 9:20 - Alkitab Duri

²⁰ Mekutana pole' omi nakua, “Apa ia ke pahangmi, indara' tee?” Mebalimi Petrus nakua, “Kita'mo Raja Mangpasalama' to pura nabasse Puang Allataala.”

Lukas 9:20 Referans Kwoze

Yahya 7:41

Den too to kumua, “Iamo tee Raja Mangpasalama'!” Apa den toopa to kumua, “Wah te'da nalapole lan mai tana Galilea to Raja Mangpasalama'!

Yahya 4:29

nakua, “Male kamu' ngkitai, den tau ntuu jio. Naissen ngasan sininna to apa mangkamo kupugauk. Ba'tu tangngiamora Ia joo to Raja Mangpasalama'?”

Jamanna Rasulu' 17:3

Naajahhii napabuttian tooi mpake Sura' Allataala, kumua ia to Raja Mangpasalama' to napau Sura' Allataala, la mate Ia, natuo pole' jio mai kamatean. Nakuapa Paulus, “Raja Mangpasalama' to Puang Isa kupangpeissenan lako kamu'.”

Jamanna Rasulu' 9:22

Apa samasai-sainna Paulus mpangpeissenan Kareba Kasalamatan sabuda-budanna tooi tau matappa'. Na ia tonna pamanassai kumua Raja Mangpasalama' to Puang Isa, mempussakmi to to-Yahudi torro jio kota Damsyik.

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 11:27

Mebalii Marta nakua, “Oo Puang, matappa'na' kumua Kita'mo Anak Allataala, Raja Mangpasalama' to napau Puang Allataala tonna anu' la ratu tama lino.”

Yahya 4:42

Nakua tuu lako tau ngkuanni joo baine, “Matappa'mokan tee too, tangngia ia manda to kadammu lako kami', apa kisa'dingmo kami' to pangngajah-Na, na kiissen kumua Iamo mpasalama' tolino.”

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 1:41

Ia joo Andreas ta'pa male ntiroi Simon sile'tona napauanni kumua, “Siampa'mokan Almaseh, battuananna Raja Mangpasalama'.”

Markus 8:29

Mekutana pole' omi nakua, “Apa ia ke pahangmi, indara' tee?” Mebalimi Petrus nakua, “Kita'mo Raja Mangpasalama'!”

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

Jamanna Rasulu' 8:36

Mpatarruhhi kalingkanna na dete' wai, nakua, “Inde'mi to wai, denparaka halanganna ke dijio'na'?” [

Lukas 22:67

Nakuamo lako Puang Isa, “Pauankan, Ikomoraka Raja Mangpasalama'?” Mebalii Puang Isa, “Moi kupauan kamu', nang te'da too milangkatappa'i.

Markus 14:61

Apa kamma' bangngi to Puang Isa. Te'da bang namebali. Pissenpa to Imang Lompo mekutana nakua, “Ikomoraka Raja Mangpasalama', Anak Allataala to disompa?”

Matius 22:42

“Umbo nakua pahangmi to Raja Mangpasalama'? Indara bati'?” Napebalimi nakua, “Bati'na Raja Daud.”

Matius 5:47

Ia ke ia manda misalama' to padammi tomatappa', apara kala'bianmi na tau laen? Moi to tau te'da naissen Puang Allataala napugauk toda susi joo.

Matius 26:63

Apa kamma' bangngi to Puang Isa. Nadadu' omi to Imang Lompo mangkada nakua, “La massapahko mpau Puang Allataala to tuo te'da cappa'na, mpauankan, Ikomoraka Raja Mangpasalama', Anak Allataala.”

Lukas 9:19

Mebalimi nakua, “Den tau kumua Nabi Yahya, den too tau kumua Nabi Elia, na ia to laenna kumua sala mesa'na nabi tonna anu' to tuo pole'.”