Lukas 9:16 - Alkitab Duri

¹⁶ naalami Puang Isa joo lima roti na dua bale, anna mentingngara de' langi', mangkurru sumanga' lako Puang Allataala. Namane' nti'pek-ti'pekki joo roti sola bale, nabenni anak gurun-Na anna tawa-tawanni to tobuda.

Lukas 9:16 Referans Kwoze

Matius 14:19

Nasuami joo tobuda cumadokko jio reu malammak. Naalami joo lima roti na dua bale, anna mentingngara de' langi' mangkurru sumanga' lako Puang Allataala. Namane' nti'pek-ti'pekki joo roti, nabenni anak gurun-Na anna tawa-tawanni joo tobuda.

Lukas 24:30

Ia tonna cumadokko la kumande sola, nnalami roti Puang Isa, namangkurru sumanga' lako Puang Allataala, namane' nti'pek-ti'pekki joo roti natawanni.

Matius 15:36

Naalami joo pitu roti sola bale'-bale', namangkurru sumanga' lako Puang Allataala. Mangkai joo too nati'pek-ti'pekmi joo roti sola bale, nabenni anak gurun-Na, anna tawa-tawanni joo tobuda.

Roma 14:6

Nasaba' ia to mpahangngi kumua den allo la'bih melo na ia to allo laenna, napugaukki susi joo anna pakala'bih Puang Allataala. Na ia to tote'da apa tangnakande, napugaukki susi joo anna pakala'bih Puang, nasaba' mangkurru sumanga' lakoi Puang Allataala. Ia to tomattantu kandena napugauk too susi joo.

Jamanna Rasulu' 27:35

Mangkanna mangkada susi joo, nnalami roti to Paulus, namangkurru sumanga' lako Puang Allataala jio olona sola ngasanni, namane' nti'pek-ti'pekki nakandei.

Yahya 6:23

Apa ia joo wattu denmi ba'tu pira-pira lopi ratu jio mai kota Tiberias nakenden sikandoppi' to nanii mangka ngkurru sumanga' roti Puang Isa nakande tobuda.

Yahya 6:11

Naalai Puang Isa joo roti, namangkurru sumanga' lako Puang Allataala. Mangkai joo too natawa-tawanmi tobuda joo roti, namane' ntawa-tawan tooi joo bale, nakumande to tau sabarahna.

Lukas 22:19

Mangkai joo too, nnalami roti, namangkurru sumanga' lako Puang Allataala, namane' nti'pek-ti'pekki, anna benni anak gurun-Na nakua, “Batang kale-Ku' tee [to dipangkaroban, sanga kamu'. Pugaukki susi tee minii nningaranna'.”

1 Korintus 11:24

na ia tonna mangka mangkurru sumanga' lako Puang Allataala, nati'pek-ti'pekki, anna mangkada nakua, “Batang kale-Ku' tee, to dipangkaroban nasaba' kamu'. Pugaukki susi tee minii nningaranna'.”

1 Korintus 10:30

Ia ke mangkurru sumanga'na' lako Puang Allataala kumane' ngkandei joo juku', ia to tau laen te'da nawa'ding mpasalana'.”

Markus 7:34

Mangkai joo too mentingngarami de' langi' anna menawa bussan, nakua, “Efata”, battuananna “Tibukako!”

Lukas 9:15

Napugaukmi anak gurun-Na susi to disuanni. Ia tonna cumadokko ngasanmo joo tau sola ngasan,

Lukas 9:17

Kumandemi sola ngasan sabarahna. Ia tonna mangkamo kumande, napasirempunmi to torrona, ponnopa sangpulo dua baku'.