Lukas 8:21 - Alkitab Duri

²¹ Apa mebalii Puang Isa nakua, “Sininna to tau ssa'ding kadan-Na Puang Allataala napugaukki, iamo indo-Ku' sola sile'to-Ku'.”

Lukas 8:21 Referans Kwoze

Yakub 1:22

La mipugauk to apa mangka napau Puang Allataala, nasaba' ia ammisa'ding mandari to kadan-Na apa cia' kamu' mpugaukki, iamo disanga nnuraga kamu' kalemi.

Yahya 13:17

Miissen ngasanmo tee, na masannangmo kamu' ke mipugaukki.

3 Yahya 1:11

Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.

1 Yahya 2:29

Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.

2 Korintus 6:18

La mupuambe'na', na iko la kupuanak. Susimi tee kadan-Na Puang to makuasa.”

Lukas 8:15

Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

2 Korintus 5:16

Iamo joo na te'damo na pangngampa' tolinoki' kipake mpattantui kumua, meloraka ba'tu gaja'raka to tau. Moi denmo kipattantui meloraka ba'tu gaja'raka to Almaseh mpake pangngampa' tolinoki', apa te'damo kisusi joo tee too.

Yahya 20:17

Nakua Puang Isa ngkuanni, “Danggi' kaka'na', nasaba' te'dapa kumale de' Ambe'. Apa malemoko lako sile'to-Ku', mupauanni kumua la polemo' de' Ambe'-Ku', na Ambe'na too, Puang-Ku' na Puangna.”

Matius 25:40

La mebalina' kukua, ‘Sitonganna kukuan kamu' kumua, ia to mipugauk lako tee mai to kupusile'to, moi namakario-rio, battuananna mipugauk lako too Aku'.’

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 28:10

Mangkadami Puang Isa nakua, “Danggi' mimalaja'! Malemo kamu' mpauanni to sile'to-Ku', anna male re' tana Galilea, na jiopa kunii sikita.”

Matius 25:45

La mebalina' kukua, ‘Sitonganna kukuan kamu' kumua, ia to te'da mipugaukki lako tee mai to kupusile'to, moi namakario-rio, battuananna te'da mipugaukki lako kale-Ku'.’

Lukas 8:20

Denmi mesa' tau mpauanni nakua, “Oo Puang, jioi salean to indo-Ta' sola sile'to-Ta'. Madoangngi ssikitanki'.”