Lukas 8:13 - Alkitab Duri

¹³ Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.

Lukas 8:13 Referans Kwoze

Yahya 5:35

Ia to Nabi Yahya susi palita dukku mangngarrang. Na ia joo kadanna susi arrang, apa cingga'tu'ra kamu' masannang ntarimai.

Kada Bulawan 12:12

Ia to togaja' ngkadoangngi assele' jio mai padanna togaja', apa ia to tomakassing mangngassele' melo susi garonto' kaju mabua.

Yudas 1:12

Te'da namelo sipa'na tuu lako guru tangtongan. Ia ke kumande kamu' sola lan kasirempunanmi, liwa' maullak tuu lako tau na tangnnissen siri'. Mpangngundaran mesa kalena, te'da naingaranni kumua denpa tau laen. Ia tuu lako tau susii saleu' makase nairi' angin apa te'da nampaden uran. Susi tooi garonto' kaju te'da namembua, moi nawattunnamo la membua. Susi tooi garonto' kaju mangkamo direbu' sintong waka' namate.

2 Petrus 2:22

Ia to apa napugauk mpamanassai tee sambenan kada to kumua, “Ia to asu la ngkande pole' luahna,” na “Ia to bai mangkamo dijio', namale pole' mennombang.” Sipato' joo kada dipatuju lako tuu lako tau, nasaba' pole pole'i mpugaukki to panggaukan gaja' to pura naboko'imo.

2 Petrus 2:20

Macilaka tuu lako tau! Naissenmo jolona to Puangta' Puang Isa Almaseh, Tomangpasalama'ta', anna la'pahmo jio mai kuasa kamadoangan to ncarepai tolino. Apa mangkai joo nakuasai pole'mi joo kamadoangan anna turu'i. Katampakanna la'bih macilaka tuu lako tau na ia tonna te'dapa naissen Puang Isa.

Ibrani 10:39

Ia tee kita' tangngiamiki' to tolamembalik pole' antamasolang, sibalikanna tomatappa'miki' lako Puang Allataala antadipasalama'.

Efesus 3:17

Ia ke susimi joo, mari'pihmi Almaseh lan penawammi, nasaba' matappa' kamu' lako kale-Na. Massambajang toona' kumua moi apa mipugauk, mipugaukki nasaba' pangpakamoja'.

Yakub 2:26

Mate to batang kale ke te'dai penawa lan, susi toda to kamatapparan to te'da nadipasiolanan panggaukan, mate toda ia, battuananna sitonganna te'da nadisanga kamatapparan.

1 Timotius 1:19

mutatta' matappa', muissen tooi umbonna to melo ba'tu gaja'. Den tau cia'mo nnissenni umbonna to melo ba'tu gaja', anna te'damo namatappa' lako Puang Isa.

1 Tesalonika 3:5

Iamo kusuai to Timotius male mati' sanga gaja doangmo' nnissenni kumua matappa' tarruh unara kamu'ka lako Almaseh. Batana', iamo ke nataloimo kamu' Ballisi' na sininna to jamanki' menjaji te'da bua'na.

Kolose 2:7

La tatta' kamu' memmesa' sola Almaseh, mirannuanni. La samatappa'-tappa'na toomo kamu' lako Almaseh, susi to mangka diajaran kamu'. La tuli mangkurru sumanga' too kamu' lako Almaseh.

Galatia 3:4

Te'daraka bua'na to miperasaimo? Kusanga te'da nasusi joo, apa den ia bua'na!

Galatia 3:1

Ee, to-Galatia to kupusile'to! Nang manassa bango' kamu'! Indamora mangka mpakedoi penawammi? Te'daraka miingaranni ciapari namate Puang Isa Almaseh jao kaju sitamben, to mangka kupamanassa lako kamu' to butung kamu' ngkita kalenai?

1 Korintus 15:2

Na ia ke mituru' tarruhhi susi to kupangpeissenan, la napasalama' kamu'. Apa ia ke te'da mituru'i, te'da bua'na to kamatapparanmi.

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

Yahya 15:2

Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.

Kada Bulawan 12:3

Ia to tomakassing la mawatang tarruh, susi garonto' kaju mawatang waka'na te'da natiroge, apa ia to togaja' te'da nalamawatang tarruh.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

1 Korintus 13:2

Moi angkudiben barakka' mpangpeissenan pepasan-Na Puang, barakka' nnissen ngasanni to te'da naissenni tau, ba'tu barakka' mpahangngi to apa masussa dipahang, iarika barakka' matappa' te'da susinna lako Puang Allataala kuwa'ding mpeta'dai nadipalele to buntu jio mai ngenanna, apa ke te'dai kupakamoja' padangku' rupa tau, manassa te'da bua'ku'.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

Lukas 8:12

Ia to banne ta'pah do' lalan dipasangrapangngi to tossa'ding kadan-Na Puang Allataala. Apa ratui to Ballisi' rrampai joo kada mangkamo nasa'ding, dikua anna danggi' namatappa' na te'da nadipasalama'.

Lukas 8:14

Ia to banne ta'pah lan tangnga duri dipasangrapangngi to tossa'ding kadan-Na Puang Allataala, apa mpuselangngi katuoanna. Madoang bangri la sugih mpusannang katuoan lan lino, to nni'pinni joo kada lan penawanna, anna te'da namembua melo.