Lukas 7:42 - Alkitab Duri

⁴² Ia joo tokaindanan sola dua pada tangnakullemo mbajah indanna. Melo penawanna joo to mpaindannii anna puttai bangmi to indanna. Jaji, indannara joo tau sola duai to la'bih la mpakamoja'i joo tompaindannii?”

Lukas 7:42 Referans Kwoze

Kolose 3:13

Sisabbarasan kamu' ke denni to sala lako kalemi, ammidampanganni. Susi Puang Allataala mangka ndampangan kamu', susi too to tau laen la midampangan.

Efesus 4:32

Apa la sipemeloan penawa kamu', misikamasean, misidampangan too susi Puang Allataala ndampangan kamu' nasaba' Almaseh.

Efesus 1:7

Mangkamiki' nala'bak Puang Allataala jio mai kuasa dosa, battuananna didampanganmiki', nasaba' kita'ra namate to Almaseh.

Galatia 3:10

Den diuki' lan Sura' Allataala kumua, “Tampak ropu ngasan lako totangtatta' nturu'i to sininna atoran agama.” Iamo joo, padami to tomparannuan atoran agama, padami nakanna tampak ropu, nasaba' te'da tau ngkullei nturu'i.

Roma 5:6

Ia tontatangpakullepa, matemi Almaseh la mpasalama'ki' tee kita' tomadosa. Ia joo wattu napattantu Puang Allataala.

Roma 3:24

Apa pangkamasean-Na Puang Allataala to mpakamoja'ki', antawa'ding dipupenjaji tomelo, nasaba' matappa'ki' lako Puang Isa Almaseh, to mangkamo la'bakki' jio mai kuasa dosa.

Matius 18:34

Gaja gallimi joo raja. Na ia joo kaunan gaja sa'ga' dipatama pangtarungkuan sanabajahna to indanna.”

Matius 6:12

Dampangankan, susi kami' ndampangan tokasalan lako kaleki'.

Matius 18:27

Massemi penawanna joo raja nahallalasan bangmi to pangpeindanna.

Lukas 7:43

Mebalimi Simon to-Farisi nakua, “Kusanga ia to budanna indanna diputtai!” Nakuamo Puang Isa, “Tongan tuu pebalimmu.”