Lukas 7:29 - Alkitab Duri

²⁹ Sininna tobuda mpesa'dingngi kadan-Na Puang Isa, susi toomi to passassung, napada nnakui kumua tongan to Puang Allataala. Iamo joo napangpejioran kalena lako Nabi Yahya.

Lukas 7:29 Referans Kwoze

Lukas 3:12

Ba'tu pira-pira passassung ratu toda lako Nabi Yahya la mangpejio'. Mekutanami nakua, “Ee, guru, apamo la kipugauk?”

Lukas 7:35

Apa moi nasusi joo, mandalan tangngah to Puang Allataala, na ia to kamandalanan tangngah-Na napapajan sininna tonturu'i.”

Pengkitanna Yahya 16:5

Ssa'ding pole' omo' malaeka' to ngkuasai wai mangkada nakua, “Oo, Puang! Mala'bihki', denki' tee too, na den toomiki' tonna jolona. Maruruhki' rra'tahhi kara-karana tolino susi tuu.

Pengkitanna Yahya 15:3

anna makkelong mpukelong kelongna Nabi Musa, taun-Na Puang Allataala, na kelong-Na Anak Bembala' nakua, “Oo, Puang Allataala! Tomakuasaki', liwa' mala'bih na te'da susinna to panggaukan-Ta'. Rajanaki' sininna bangsa, melo na tongan to panggaukan-Ta'.

Roma 10:3

Te'da napahangngi na te'da natarimai umbo nakua Puang Allataala mpupenjaji tomeloi to tolino. Apa napengkullei mpupenjaji tomelo kalena.

Jamanna Rasulu' 19:3

Nakutanai pole' omi nakua, “Ia nasusi tuu, pangjioran apara to dijioran kamu'?” Napebalii nakua, “Pangjioran to napangngajaran Nabi Yahya.”

Jamanna Rasulu' 18:25

Mangkamo diajahhi pangngajaran-Na Puang Isa. Liwa' masumanga' mpangpangngajaran tonganni, moi namane' pangjioranna mandara Nabi Yahya naissen.

Matius 5:46

Sitonganna, ia ke mipakamoja'i to tompakamoja' kamu', te'da miampa'i to pahalami jao suruga, nasaba' moi passassung napugauk toda susi joo.

Lukas 7:28

Nakuapa Puang Isa, “Ingaranni, lan tee lino te'da tau la'bih mala'bih na Nabi Yahya, apa moi nasusi joo, ia to tokaminang majiong jio mai umma'-Na Puang Allataala, la'bih mala'bihpa ia na Nabi Yahya.”

Lukas 20:6

Apa ia ke la takua, ‘Kuasa jio mai tolino’, la narura batuki' tobuda, nasaba' nasanga ia nabi joo Nabi Yahya.”