Lukas 6:46 - Alkitab Duri

⁴⁶ Mangngajahhimi Puang Isa nakua, “Ciapari mipekapuangngina', apa te'da mipugaukki to apa kupauan kamu'?

Lukas 6:46 Referans Kwoze

Galatia 6:7

Danggi' mitobango'-bango'i kalemi! Nasaba' Ia to Puang Allataala te'da nawa'ding dipaningoi. Apa to natanan tau, iamo la napebuai,

Matius 25:44

Mebalimi tuu lako to jio sa'de kairing-Ku' nakua, ‘Oo Puang, wattu umbora antatangbarah ba'tu mawakke ba'tu mentoratu, ba'tu tangmebaju, ba'tu masaki, ba'tu ditarungku angkitangnjaranaiki'?’

Matius 25:24

Ia joo kaunan diben mesa' talenta, ratumi namangkada nakua, ‘Oo puang, kuissen kumua kita'mo tau masa'ga'na. Mpeburaiki' apa tangngia pantananta', na nnala bangki' kita' to tangngia assele' pangngambohta'.

Matius 25:11

Mane'ri ratu joo lima ana'dara bango'. Metamba-tambami nakua, ‘Oo puang, timbakanpakan bolata'.’

Yakub 1:22

La mipugauk to apa mangka napau Puang Allataala, nasaba' ia ammisa'ding mandari to kadan-Na apa cia' kamu' mpugaukki, iamo disanga nnuraga kamu' kalemi.