Lukas 6:45 - Alkitab Duri

⁴⁵ Ia to tomelo penawanna, la melona ia to napau, nasaba' kameloan manda lan penawanna. Na ia to togaja', gaja'na bangra napau, nasaba' kagajatan manda lan penawanna. Nasaba' apa lan penawanna tau, iamo napau timu.”

Lukas 6:45 Referans Kwoze

Kada Bulawan 4:23

Jagai meloi to penawammu, nasaba' pole llan mai penawammu to mpattantu katuoanmu.

Efesus 4:29

Danggi' mimangkada to napumasolang tau, apa kada mpamasumanga'ra to napumelo to tossa'dingngi anna nnampa' barakka'.

Yahya 7:38

Ia to tomatappa' lako Aku' la susii to diuki' lan Sura' Allataala kumua, ‘La nanii lolong wai katuoan.’ ”

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Kolose 4:6

Ia ammimangkada la napumasannang to tossa'dingngi. Mebali melo kamu' ke denni tau ngkutanai kamu'.

Kada Bulawan 12:18

Ia to tosamangkadanna bang mepa'dikan penawa, butung pa'dang mepakojong, apa ia to kada tomacca, butung pejampi mepamondo.

Ibrani 8:10

Iamo tee basse la kupaden sola to-Israel to wattu la dioloi lako: la kupallan pikkirisanna to atoran-Ku', na kuuki'i lan penawanna. Aku' Puang Allataala to la nasompa, na ia la kupupenjaji umma'-Ku'.

Efesus 5:19

La sipamasumanga' kamu' makkelong Zabur sola kelong pangpujian, mimakkelong situru' canning atimmi ke sitammu kamu' mpakala'bih Puang.

Kada Bulawan 15:23

Pebali melona mpamario mesa' tau, na la'bih keangga' to kada ke wattunnapi na dipau.

Jamanna Rasulu' 5:3

Nakuanni Petrus, “Ee, Ananias, ammueloran bang ora kalemu nakuasai Ballisi', ammuuragara Roh Allataala, ssarakan buni kalemu sesena alli padangmu?

Yudas 1:15

La ratui rra'tah kara-karana sininna tolino. La nacallai to togaja' nasaba' panggaukan gaja'na sola pangcapa'na lako Puang.”

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.