Lukas 6:44 - Alkitab Duri

⁴⁴ Buanna dinii ntandai to kaju. Pangngala duri te'da namembua ara, na duri kamban te'da namembua anggoro'.

Lukas 6:44 Referans Kwoze

Yakub 3:12

Ee, tomala'bihku'! Garonto' kaju ara te'da namembua zaitun. Garonto' anggoro' te'da namembua ara. Susi too to kalimbuah mace'la te'da nakullei mpasun wai tangmace'la.

Matius 12:33

Mangngajahhimi Puang Isa nakua, “Ia ke denni kaju melo, melo too buanna. Apa ia ke gaja'i to kaju, gaja' toda ia buanna. Buannara to dinii nnissenni kumua meloraka ba'tu gaja'raka joo garonto' kaju.

Yudas 1:12

Te'da namelo sipa'na tuu lako guru tangtongan. Ia ke kumande kamu' sola lan kasirempunanmi, liwa' maullak tuu lako tau na tangnnissen siri'. Mpangngundaran mesa kalena, te'da naingaranni kumua denpa tau laen. Ia tuu lako tau susii saleu' makase nairi' angin apa te'da nampaden uran. Susi tooi garonto' kaju te'da namembua, moi nawattunnamo la membua. Susi tooi garonto' kaju mangkamo direbu' sintong waka' namate.

Matius 7:16

Jio mai panggaukanna la minii nnissen tonganni kumua indara ia. Duri kamban te'da namembua anggoro', na pangngala duri te'da namembua ara.

Matius 7:20

Jaji, ia to nabi tangtongan la miissen jio mai panggaukanna.”