Lukas 6:27 - Alkitab Duri

²⁷ Mangngajahhimi Puang Isa nakua, “Kupasan kamu', to mpesa'dingngi kadang-Ku'! Susi tee, pakamoja'i to ewalimmi, mimanggauk melo lako to ngkaba'ci kamu'.

Lukas 6:27 Referans Kwoze

1 Tesalonika 5:15

Jagaii na danggi' naden tau mangpabalahhi panggaukan gaja' na gaja'. Mipengkulle-kulleii ammituli mpugauk kameloan lako padammi tomatappa' na lako sininna tau.

Lukas 6:35

Te'da nalasusi joo! Sibalikanna, pakamoja'i to ewalimmi, na la manggauk melo kamu' lako kalena. La mangpaindan kamu', na danggi'mo mitajanni to polena. Ia ke susii joo, la buda to pahalami, na la menjaji kamu' anak Puang Allataala Jao Majaona. Nasaba' melo to penawan-Na Puang Allataala lako totangnnissen mangkurru sumanga' na tomanggauk gaja'.

Kada Bulawan 24:17

Danggi' mupumasannangngi ke macilakai to ewamu, danggi' mupumarioi ke melolinni,

Galatia 6:10

Iamo joo ia naden unapa wattu dibenki', tamanggauk melo lako padanta' rupa tau, la'bih pole'pa lako sile'to padanta' to matappa'.

Markus 4:24

Mangkada omi to Puang Isa nakua, “Ingaran meloi tee apa misa'ding! Ia to pesuka' misukatan tau, la napake too Puang Allataala ssuka' kamu', na la'bih budapa.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 7:60

Namane' mengguntu' naandongngii mangkada nakua, “Oo Puang, danggi' dikka' tapapassannii to dosana tee tau!” Mangkanna mangkada susi joo, matemi.

Lukas 23:34

Massambajangngi Puang Isa nakua, “Oo, Ambe', dampanganni tee mai tau! Te'da naissenni apa to napugauk.” Namane' lotereii surudadu to pakean-Na la nanii nnissenni kumua umbonnara to la naputawa.

Lukas 8:18

Iamo joo ingaran meloi tee apa misa'ding. Nasaba' ia to tonnampuimo buda apa la dirangngannipa la'bih buda. Apa ia to totangnnampui apa, ia to apa ci'di'mora naampui, la dialai pissen.”

Lukas 8:15

Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

Lukas 8:8

Apa den too to ta'pah do' litak malompo. Maloboranmi, namembua manglokkon pessaratuh.” Ia tonna mangkamo Puang Isa mangngajahhi naandongngimi gamaran-Na nakua, “Ingaranni to apa mangka misa'ding, sanga ketalinga kamu'!”

Lukas 6:22

Masannang kamu', ke dikaba'ci kamu', ke diula'i kamu', ke dicacca kamu', sola ke disanga kamu' togaja', nasaba' mituru'na' Aku', Anak Mentolino.

3 Yahya 1:11

Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.

Kada Bulawan 25:2

Napumala'bih Allataala to apa tang-Napangpeissenan, napumala'bih raja, sanga wa'dingngi mpamanassai to tangnaissenna tau.

Jamanna Rasulu' 16:28

Apa metambai Paulus ngkuanni, “Danggi' mibuno kalemi! Inde' ngasan unakan!”