Lukas 6:19 - Alkitab Duri

¹⁹ Napengkulle-kullei ngasan tuu lako tau ngkaka' Puang Isa, nasaba' den kuasa messun lan mai kale-Na mpamalagah tau.

Lukas 6:19 Referans Kwoze

Matius 14:36

Anna meta'da lako Puang Isa kumua, ke wa'dingngi nakaka' mandai to baju lando-Na, moi na tampakkana bangra. Padami tau ngkaka' baju landona pada toomi malagah.

Markus 3:10

Gaja buda tau napamalagah Puang Isa. Iamo joo nasisi'pin-si'pinni bangmi to tomasaki mpendete'ii, la ngkaka'i.

Markus 6:56

Umbo-umbo nanii ratu to Puang Isa, la lako kampong la lako kota, la male ia to tau mbawa tomasaki, napasirempunni jio pasa'. Anna meta'da lako Puang Isa kumua, ke wa'dingngi, nakaka' mandai to baju lando-Na, moi na tampakkana bangra. Padami tau ngkaka' baju landona pada toomi malagah.

Markus 5:30

Ta'pa naissen Puang Isa kumua den kuasa messun lan mai kale-Na. Iamo joo namessaile lako tobuda, anna mekutana nakua, “Indara to ngkaka' baju lando-Ku'?”

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.

Markus 8:22

Ratumi Puang Isa sola anak gurun-Na jio Betsaida. Den tau ssolan tobuta lako, napeta'danni ke wa'dingngi nasapui to matanna napakita.

Jamanna Rasulu' 19:12

Ianna dibawan tomasaki to saputanganna iarika kaen puramo napake Paulus, malagahhi, napessunni tooi setang.

Lukas 5:17

Den pissen, tonna mangngajahhi Puang Isa, naden toda ba'tu pira-pira to-Farisi sola guru agama cumadokko jio. Denni to ratu jio mai kampong lili'na tana Galilea na tana Yudea na den too to ratu jio mai kota Yerusalem. Kuasan-Na Puang Allataala napake to Puang Isa, anna mpamalagah tomasaki.

Lukas 6:18

Ia tuu lako tau ratu la mpesa'dingngi pangngajah-Na Puang Isa, na la dipamalagah jio mai mangrupa-rupa sakinna. Ia to tonatamai setang ratu too nadipamalagah.