Lukas 6:15 - Alkitab Duri

¹⁵ Matius na Tomas, Yakub anakkana Alfeus na Simon (to disanga too tobarani),

Lukas 6:15 Referans Kwoze

Matius 9:9

Ia tonna mpatarruhmo kalingkan-Na Puang Isa, ngkitami mesa' passassung disanga Matius cumadokko lan kantoro'na. Nakua Puang Isa lako, “Maleko mai nturu'na', kupuanak guruko!” Ta'pa ke'dehmi anna male nturu'i.

Jamanna Rasulu' 1:13

Ia tonna mentamamo kota, endekmi de' kamara' jaonan to nanii torro unamo Petrus sola Yahya, Yakub sola Andreas, Filipus sola Tomas, Bartolomeus sola Matius, Yakub anakkana Alfeus, Simon tobarani sola Yudas anakkana Yakub.

Markus 3:18

Andreas, Filipus, Bartolomeus, Matius, Tomas, Yakub anakkana Alfeus, Tadeus, Simon to-Zelot (battuananna Simon tobarani),

Yakub 1:1

Ee, tomala'bihku' sola ngasan, umma'-Na Puang Allataala to titaleh lan lili'na lino. Ia tee sura' pole jio mai aku' Yakub tonasua Puang Allataala sola Puang Isa Almaseh.

Galatia 2:9

Yakub, Petrus, na Yahya direken paloloan lan jamaa. Ia tonna katappa'imi kumua Puang Allataala mpabarakkannina' tee jaman, sisalama'mokan Barnabas sola tuu lako tau, kumua mesa' penawamokan. Ia to aku' sola Barnabas male lakomokan bangsa tangngia to-Yahudi, na ia male lako to-Yahudi mpangpeissenan Kareba Kasalamatan.

Galatia 1:19

Apa ia to rasulu' laen te'da kusikita, Yakub mandara to sile'to-Na Puang Isa.

Jamanna Rasulu' 15:13

Ia tonna mangkamo sola dua mangkada, nakuamo Yakub, “Ee todipusile'to, pesa'dingngipi la mangkadana'!

Yahya 20:24

Den mesa' anak gurun-Na Puang Isa disanga Tomas (to disanga too Rendu). Te'da na jio sola solana, tonna ratu Puang Isa mpangpekitan kalena.

Yahya 11:16

Ia to Tomas (to disanga too Rendu), ngkuan padanna anak gurun-Na Puang Isa, “Tamale ssolanni tapada-pada mate.”

Lukas 5:27

Mangkai joo too messunmi Puang Isa, na ngkita mesa' passassung disanga Lewi cumadokko lan kantoro'na. Nakua Puang Isa lako, “Maleko mai, nturu'na', kupuanak guruko!”

Markus 2:14

Ia tonna polemo, ngkitami mesa' passassung disanga Lewi anakkana Alfeus cumadokko lan kantoro'na. Nakua Puang Isa lako, “Maleko mai, nturu'na', kupuanak guruko!” Ta'pa ke'dehmi anna male nturu'i.

Lukas 6:14

Simon (to nasanga too Petrus), na Andreas to sile'tona, Yakub na Yahya, Filipus na Bartolomeus,

Lukas 6:16

Yudas anakkana Yakub na Yudas Iskariot to undinna mpangpejokkoan Puang Isa.