Lukas 5:8 - Alkitab Duri

⁸ Ia tonna kitami Simon Petrus joo apa jaji, mengguntu'mi jio olo-Na Puang Isa ssuju'i anna mangkada nakua, “Oo Puang, melo ke tasalaimo', nasaba' tomadosana' dikka' tee!”

Lukas 5:8 Referans Kwoze

Pengkitanna Yahya 1:17

Tirokonna' jio olo-Na susi tomate dikita, apa natoena' lima kanan-Na namangkada kumua, “Danggi' mumalaja'! Aku'mo pamulanna sola cappa'na.

Matius 17:6

Silajatanmi sola tallu joo anak gurun-Na Puang Isa tonna sa'dingngi to gamara, namessuju' do' litak.

Yahya 11:32

Ratunna Maryam lako to nanii Puang Isa, nakitai, nata'pa suju' ratu do' litak jio to' aje-Na nakuanni, “Oo Puang, ia ke la inde'ki' joo wattu, te'da nalamate to sile'toku'.”

Matius 8:8

Apa mebalii tee komandan nakua, “Oo Puang, te'da kusipato' la ntarimaki' jio bolaku'. Jaji mangkada bangmiki', napumalagahhi to kaunanku'.

Matius 2:11

Mentamami bola tee topakita bintuin, nakitai joo pea sola Maryam indona, anna suju' ssompai. Nabukaimi to sepu' ewanan nabawanni tee pea, napangngoloi to bulawan, kamanynyang sola mur.

1 Korintus 13:12

Ia tee too ia to apa takita susiri to bajo-bajo tangmanyarrah lan cammin, apa la takita manyarrah keanu'. Ia tee too denpa kakuranganna to kapaissenanku' jiona Puang Allataala. Apa ia ke keanu', la kuissen to Puang Allataala susi Ia nnissenna'.

Lukas 5:7

Iamo joo nako'bi'i to solana jio lopi laen naratu mbalii. Ratu ngasanmi to solana mbalii, napatamai dua lopi joo bale, na ci'di'mora nakaran.

Lukas 5:9

Mangkadai Simon susi joo sanga jangngahhi namalaja' too sola solana ngkitai joo kabudanna bale naala.