Lukas 5:35 - Alkitab Duri

³⁵ Apa la den wattunna na la diala jio mai tangnga-tangngana joo tobotting muane, iamo to Aku'. Ia joo wattu, mane'ri puasa tuu lako tau, iamo tee anak gurung-Ku'.”

Lukas 5:35 Referans Kwoze

Lukas 17:22

Nakuamo Puang Isa lako anak gurun-Na, “Den wattunna mimadoang ngkitana' Aku', Anak Mentolino, moi sangngallo, apa te'da milangkitana'.

2 Korintus 11:27

Gaja makkaresona', tangmekabo'jo'na' mangjama, pembudamo' tangmamma', tangkumande, tangmangngiso', puasa, macakke' na tangmangpakean.

1 Korintus 7:5

Danggi' micia' mamma' sola balimmi. Wa'ding una ke te'dai nalamasai, assalan misitujuimi sola dua, anna den wattummi massambajang lako Puang Allataala. Ianna dete'mi to wattu misitujui, pole pole'mo kamu' lako balimmi, sanga ia ke te'dai misusi joo, wa'ding kamu' nasede Ballisi' manggauk sala, ke te'da mikullei nta'tan kamadoanganmi.

Jamanna Rasulu' 14:23

Naangka' tooi Paulus sola Barnabas to pekaamberan lan simesa'-mesa' jamaa. Puasai sola massambajang jolo', namane' mpangbenni joo pekaamberan lako Puang to nakatappa'i.

Jamanna Rasulu' 3:21

La torroi jao suruga sanggenna nabarui Puang Allataala to pangpajajinna, susi to napasan nabin-Na tonna anu'.

Jamanna Rasulu' 1:9

Ia tonna mangkamo mpaui joo, tiangka'mi de' suruga nakita rasulu', nabombonni saleu' na te'damo nakitai.

Yahya 16:28

Topole jiona' mai Ambe', kumentama lino. Na ia tee too la kusalaimi tee lino, kupole pole' lako Ambe'.”

Yahya 13:33

Oo anak-Ku' sola ngasan. Te'damo kumasai torro ssolan kamu'. La miangahna', apa susi to mangka kupauan pekaamberan to-Yahudi, na moi kamu' kupauan toomo kumua ia to kunii male, te'da mikullei ratu lako.

Yahya 12:8

Ia to tokaasi-asi, la den bang ia lan tangnga-tangngami, apa ia tee Aku' te'da kutorro tarruh lan tangnga-tangngami.”

Daniel 9:26

Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

Matius 9:15

Napebalii Puang Isa mpake pangpasusian nakua, “Ianna botting to tau, misangaraka kumua la puasai to toratu! Ianna solapa tobotting muane, tantu te'da! Apa la den wattunna naladiala jio mai tangnga-tangngana joo tobotting muane, iamo tee Aku', mane'ri puasa to toratu, iamo tee anak gurung-Ku'.”

Markus 2:20

Apa la den wattunna, naladiala jio mai tangnga-tangngana joo tobotting muane, iamo to Aku'. Ia joo wattu, mane'ri puasa to toratu, iamo tee anak gurung-Ku'.”

Lukas 5:34

Mebalimi Puang Isa nakua, “Wa'dingraka misua to toratu puasa jio pangmaroasan tobotting, ke sola unapi tobotting muane? Tantu te'da!

Lukas 5:36

Nacuritanpa Puang Isa tee pangpasusian nakua, “Te'da tau nca'cean baju baru napangtampiranni lako baju maluse. Nasaba' la mangca'ceanni joo baju baru na ia to kaen petampih baru te'da namelo dikita jio baju maluse.