Lukas 5:29 - Alkitab Duri

²⁹ Ia tonna mangkamo joo, mangmaroah-roahmi Lewi jio bolana ntoratu Puang Isa. Buda passassung na tolaen nasolan kumande.

Lukas 5:29 Referans Kwoze

Lukas 15:1

Den pissen naratu buda to passassung sola tonasangamo tau togaja' mpesa'dingngi Puang Isa.

1 Korintus 10:27

Ianna den tote'dapa namatappa' ntambai kamu' kumande, ammimadoang male, kandei to apa napalennatan kamu'. Na ia to penawammi danggi' omo nasitawa-tawa ngkandei joo juku'.

Yahya 12:2

Ditambaii to Puang Isa kumande jio, na Marta mangpasadia kande. Ia to nasolan Puang Isa cumadokko kumande, den todai Lazarus.

Markus 2:15

Ia tonna kumandemo Puang Isa sola anak gurun-Na jio bolana Lewi, ratumi buda to passassung laen sola to tonasangamo tau togaja', nakumande sola. Nasaba' budami tuu lako tau to nturu'mo Puang Isa.

Matius 9:10

Ia tonna kumande Puang Isa sola anak gurun-Na jio bolana Matius, ratumi buda to passassung laen, sola to tonasangamo tau togaja', nakumande sola.

Matius 5:46

Sitonganna, ia ke mipakamoja'i to tompakamoja' kamu', te'da miampa'i to pahalami jao suruga, nasaba' moi passassung napugauk toda susi joo.

Matius 9:9

Ia tonna mpatarruhmo kalingkan-Na Puang Isa, ngkitami mesa' passassung disanga Matius cumadokko lan kantoro'na. Nakua Puang Isa lako, “Maleko mai nturu'na', kupuanak guruko!” Ta'pa ke'dehmi anna male nturu'i.

Matius 11:19

Na ratu omo' Aku', Anak Mentolino, kukumande sola mangngiso', nakua omo tau kumua, ‘Kitai joo tomaullak, pangngiso', soba'na passassung sola togaja' sipa'na.’ Apa moi na susi joo, mandalan tangngah to Puang Allataala, na ia to kamandalanan tangngah-Na pajan lan panggaukan-Na.”