Lukas 4:5 - Alkitab Duri

⁵ Nasolan omi Ballisi' to Puang Isa de' ngenan majao, napakitanni sangkappidian mata to sininna kaparentan lan lino.

Lukas 4:5 Referans Kwoze

Efesus 6:12

Nasaba' tangngia padanta' rupa tau to taewa, apa nnewaki' sininna tomakuasa ba'tu to mparentai tee lino gaja', sola sininna setang to mangparenta jao langi' tee wattu.

1 Korintus 15:52

Sangkappidian matara tee najaji, ke nnoni cappa'nami to tarompe'. Ia ke disa'dingmi joo oninna, la dipatuo pole'mi to sininna tomate anna te'damo nalamate. Na ia to kita' to tuo unapa la dipupembalikki'.

Matius 4:8

Nasolan pole' omi Ballisi' to Puang Isa de' buntu gaja jao, napakitanni to sininna kaparentan lan lino sola kamala'biranna.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

2 Korintus 4:17

Ia tee kamaparrisan kiperasai cingga'tu'ra namaringngan too, nalampadenankan kamasannangan te'da susinna na te'da cappa'na.

1 Korintus 7:31

Na ia to tonasarai sara' lan lino la butung to te'da apa ssaraii. Nasaba' ia tee lino, susi to takita tee too, te'damo namasai nalanynya'!

Matius 24:14

Na ia to Kareba Kasalamatan kumua la ratumi Puang Allataala mangparenta susi Raja la dipangpeissenan lan lili'na lino, dikua nasa'dingngi sininna bangsa. Ianna mangka joo, mane'ri Kiama' lino.”