Lukas 4:42 - Alkitab Duri

⁴² Masawanna tonna ollongmo allo messunmi Puang Isa lan mai joo kota, namale lako pallawangan. Apa ia to tobuda male nnangahhi, na ia tonna ampa'mi, meta'dai lako danggi' namale ssalaii.

Lukas 4:42 Referans Kwoze

Lukas 6:12

Mangkai joo too, malemi Puang Isa de' buntu la massambajang. Massambajangmi jao siupuh bongi lako Puang Allataala.

Yahya 4:34

Nakua omo Puang Isa, “Ia to kande-Ku', iamo to nturu' pakkaeloran-Na Puang Allataala angkumangkai tooi to jaman nasuanna'.

Yahya 6:24

Ia tonna kitami tobuda kumua te'damo Puang Isa jio, na moi toda anak gurun-Na, endek todami de' joo lopi namale lako kota Kapernaum nnangah Puang Isa.

Yahya 4:40

Ia tonna sitammumo tuu lako to-Samaria na Puang Isa, napeta'dai anna torropa sola. Jaji torro unapi jio duang bongi.

Lukas 24:29

apa naattianni. Nakuanni, “Tatorromo mangbongi, sanga la bongimi na la malillinmi.” Mentamami bola la sipangbongian.

Markus 1:45

Apa ia tee tau male bangmi nacurita to apa jaji lako kalena. Napusaba'i namembuni bangmira Puang Isa ke mentamai kota, natorro bangmo saleanan kota jio pallawangan. Apa moi nasusi joo, saratu-ratunna bang to tau jio mai buda kampong lako to nanii Puang Isa.