Lukas 4:41 - Alkitab Duri

⁴¹ Nnula'i tooi setang lan mai buda tau. Ia tuu lako setang messun lan mai tau ntandai Puang Isa anna metamba nakua, “Anak Allataalako!” Apa nagarra'i Puang Isa joo setang, na te'da naeloranni mangkada, nasaba' naissen setang kumua Raja Mangpasalama' to Puang Isa.

Lukas 4:41 Referans Kwoze

Markus 1:34

anna buda tau napamalagah to mangrupa-rupa sakinna. Nnula'i tooi buda setang. Te'da naeloranni to setang mangkada, nasaba' naissen setang kumua indara to Puang Isa.

Yakub 2:19

Mukatappa'i kumua mesa'ra to Puang Allataala. Tongan tuu! Na moi sininna setang napangngakui too joo. Iamo mbe'beran malaja'.

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Markus 3:11

Na ia tonna kitami tonatamai setang, ta'pa suju'mi jio olo-Na, nametamba nakua, “Kita'mo Anak Allataala.”

Matius 4:3

Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”

Matius 26:63

Apa kamma' bangngi to Puang Isa. Nadadu' omi to Imang Lompo mangkada nakua, “La massapahko mpau Puang Allataala to tuo te'da cappa'na, mpauankan, Ikomoraka Raja Mangpasalama', Anak Allataala.”

Matius 8:29

Metamba-tambami nakua, “Anak Allataala! La tapatumbamorakan tee? La ratumiriki'ka la ncallakan, na te'dapa nawattunna?”

Markus 1:25

Nagarra'i Puang Isa joo setang nakua, “Kamma'ko, messunko lan mai tee tau!”

Matius 8:4

Nakuamo Puang Isa, “Danggi' lalo mucuritai moi lako mesa' tau, apa maleko lako imang jao kota Yerusalem, mupeta'dai napattantui kumua malagah tonganmoko! Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Matius 8:16

Ia tonna kabuhmo allo, budami tau ratu mbawa tonatamai setang sola tomasaki lako Puang Isa, na sangbukura kada napau, nnula'ii tuu lako setang lan kalena tau, napumalagah ngasanni to tomasaki.

Markus 1:32

Ia tonna kabuhmo allo, budami tau ratu mbawa tomasaki sola tonatamai setang lako Puang Isa,

Lukas 4:39

Malemi lako sa'dena, nagarra'i joo kula' kale nakua, “Messunko.” Ta'demi to kula'na, nata'pa mi'cok mpasadianni kande to toratu.