Lukas 4:25 - Alkitab Duri

²⁵ La miingaran kumua, ia tonna linona Nabi Elia tonna anu', napebarrangan tallung taun sitangnga, anna karorian la'da' ngasan to tondok. Ia joo wattu buda baine to matemo muanena jio tana Israel.

Lukas 4:25 Referans Kwoze

Yakub 5:17

Ia to Nabi Elia tolino biasara susi kita'. Apa ia tonna tongan-tongannii massambajang nakua danggi' nauran, te'da tongan nauran tallung taun sitangnga masainna.

Matius 20:15

Te'daraka kusipato' mpugaukki to pakkaeloranku'? Ciapari mumangngimburu ke mamasena'?’ ”

Lukas 10:21

Ia joo wattu mario tongan to Puang Isa, nasaba' nakuasaii Roh Allataala, nakua, “Oo Ambe', Puangna langi' sola lino! Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmo lako totangpaissen. Oo Ambe', iamo tapumasannang.”

Efesus 1:11

Ia to napugauk-Na Puang Allataala, napasituru' tarruhhi akkatta-Na sola pakkaeloran-Na to pura napattantumo. Ia tonna te'dapa nadipaden tee lino napileimiki', sanga madoangngi antamenjaji umma'-Na, nasaba' memmesa'ki' sola Almaseh.

Efesus 1:9

Situru' ia pakkaeloran-Na, napaissennimiki' akkatta-Na to tangnaissen tau tonna anu'. Na ia tonna te'dapa nadipaden tee lino, pura napattantu kumua Almasehra la mpugaukki joo akkatta-Na.

Roma 9:20

Ee, todipusile'to, tolino biasaki'! Na danggi' mubali-bali Puang Allataala! Te'da nawa'ding to kurin la mangkada lako tontampai kumua, “Ciapari mutampa susina' tee?”

Roma 9:15

Nasaba' nakua Puang Allataala lako Nabi Musa kumua, “La kupakitanni kameloan penawang-Ku' to tokupueloh, na la kukamasei too to tokupueloh.”

Pengkitanna Yahya 11:6

Nnampui kuasa mangpabarrang anna pealloan ke mpangpeissenanni pepasan-Na Puang. Ngkuasai too mata wai, nawa'ding mpupenjaji rarai. Wa'ding too ssessa tolino mpake mangrupa-rupa kamaparrisan, umbo-umbo wattu nakabudai.