Lukas 4:23 - Alkitab Duri

²³ Mangkadami Puang Isa nakua, “Tantu den kamu' la mikua lako Aku' mpake sambenan kada susi tee, ‘Ee, tomangjampi! Pamalagahhi kalemu.’ Battuananna: ia ke tonganko nabi, la mupugauk tooi ntee kampongmu to tanda mejangngaran kisa'ding mupugauk jio kota Kapernaum.”

Lukas 4:23 Referans Kwoze

Markus 6:1

Polemi Puang Isa lako kota Nazaret to dinii mpelobohhii. Nasolanni to anak gurun-Na.

Matius 4:13

Nasalaimi to kota Nazaret, namellele lako kota Kapernaum jio randan Tasik Galilea, tana Zebulon sola Naftali.

2 Korintus 5:16

Iamo joo na te'damo na pangngampa' tolinoki' kipake mpattantui kumua, meloraka ba'tu gaja'raka to tau. Moi denmo kipattantui meloraka ba'tu gaja'raka to Almaseh mpake pangngampa' tolinoki', apa te'damo kisusi joo tee too.

Yahya 4:28

Napatorroi busunna joo baine, napole lako kota mpauanni to tau jio

Lukas 6:42

Umbo la mikua mangkada lako padammi rupa tau, ‘Ee mane! Ake'mo na aku' nnalai tuu bulicak lan mai matammu’, anna kaju sangbatang lan matammi te'da mikitai? Ee, tomajekkong! Alaii jolo' to kaju sangbatang lan matammi! Ianna macoramo pengkitanmi, mane'ra kamu' kullei nnalaii to bulicak lan mai matanna padammi rupa tau.”

Lukas 4:16

Malemi Puang Isa lako kota Nazaret to dinii mpelobohhii. Ia tonna Allo Katorroan, susi kabiasanna, malei tama bola passambajangan. Ke'dehmi la mbaca Sura' Allataala,

Matius 13:54

napole lako kota Nazaret to dinii mpelobohhii. Ntuu jio lan bola passambajangan nanii mangngajahhi nasijangngaran to tossa'dingngi, nakua, “Umbora Ia nanii mpelajahhi kapaissenan susi joo? Na pole umbora to kuasa napake mpugauk tanda mejangngaran?

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Lukas 2:39

Ia tonna mangkamo Yusuf sola Maryam mpugauk ngasanni to atoran-Na Puang Allataala, polemi sola tallu re' kota Nazaret jio tana Galilea.

Lukas 2:51

Mangkai joo too polemi Puang Isa sola tomatuan-Na re' kota Nazaret, namengkaturu' bang. Napallan penawa ngasanni indona to ianna joo.

Lukas 4:31

Mangkai joo too, malemi Puang Isa lako kota Kapernaum jio tana Galilea. Na ia tonna Allo Katorroan nnajahhi tau jio bola passambajangan.

Lukas 4:35

Nagarra'i Puang Isa joo setang nakua, “Kamma'ko, messunko lan mai tee tau!” Napessambakanni setang joo tau jio olona tobuda, namane' messun, apa te'da napa'dikkii.