Lukas 3:3 - Alkitab Duri

³ Jaji, malemi Nabi Yahya llelei tana to mengguririkkina Sa'dan Yordan mpangpeissenanni to Kareba Kasalamatan. Mangngajahhii nakua, “La mengkatoba' kamu' jio mai dosami, midijio', anna dampangan kamu' Puang Allataala.”

Lukas 3:3 Referans Kwoze

Lukas 1:77

la mpangpeissenanni lako umma'-Na, kumua la dipasalama'mi, ke nadampanganmi Puang Allataala.

Jamanna Rasulu' 22:16

Jaji danggi'mo mubata. Ke'dehmoko, mupangpejioran kalemu. Meta'da tulungko lako Puang anna dampanganko.’ ”

Jamanna Rasulu' 19:4

Nakuamo Paulus, “Ia to pangjioranna Nabi Yahya mpamanassai kumua ia to todijio' mengkatoba'mo jio mai dosana. Apa napangpeissenan tooi Nabi Yahya lako to-Yahudi kumua la nakatappa'i to Puang Isa, mane' la ratu.”

Jamanna Rasulu' 13:24

Ia tonna te'dapa napamulai jaman-Na Puang Isa, nasuami Nabi Yahya to to-Israel kumua namengkatoba' jio mai dosana na dijio'.

Yahya 3:26

Malemi lako Nabi Yahya to anak gurunna ngkuanni, “Ee Guru, ia to tau tasolan jio sambali'na Sa'dan Yordan, to tapakitankan, njio' todami Ia tau tee too, namale lako ngasanmi to tau.”

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Yahya 1:28

Ia ngasanmo joo jaji jio kampong Betania, sambali' kadellekanna Sa'dan Yordan, to nanii mangjio' Nabi Yahya.

Lukas 1:16

Buda to-Israel la napapole lako Puang Allataala, Puangna.

Lukas 4:1

Ia tonna polemo Puang Isa jio mai Sa'dan Yordan nakuasaimi Roh Allataala, namale lako tangnga padang pallawangan, situru' pangpatujun-Na Roh Allataala.