Lukas 3:14 - Alkitab Duri

¹⁴ Den too ba'tu pira-pira surudadu mekutana toda nakua, “Na ia tee kami', umbomo nakua, apara la kipugauk?” Mebalimi nakua, “Danggi' mipakario-rio tau, ba'tu miparukui mben kamu' doi'. Sukkuru'i bangmi to gajimmi!”

Lukas 3:14 Referans Kwoze

Filipi 4:11

Te'da kumangkada susi joo, kumua kakuranganna', sanga ia to aku' tee kupelajahhimo mpasigannatanni to apa jio kaleku'.

Lukas 19:8

Apa ke'dehhi Zakheus, nakua lako Puang Isa, “Oo Puang, sangsesena to ewananku' la kuben tokaasi-asi, na ia ke denni apanna tau kurampa, la kupapolean manglokkon penna'pa'.”

Pengkitanna Yahya 12:10

Angkusa'ding gamara liwa' tonggo jao suruga nakua, “Mammula tee too napasalama'mi Puang Allataala to umma'-Na. Ia toomo tee nanii mpangpekitan kuasan-Na Puangta' susi raja. Napangpekitan todamo kuasan-Na to Raja Mangpasalama' to napileanki'. Jaji ngasanmi susi tee, nasaba' ia to Ballisi' tomparapa' tarruh bang padanta' tomatappa' jio olo-Na Puangta' Puang Allataala mangkami diula'i lan mai suruga.

Titus 2:3

Susi toomi joo, la mupakainga' to tomatua baine, dikua anna menturu' lako manda Puang Allataala. Te'da nawa'ding mpau gaja' padanna rupa tau, te'da napangngiso', apa la mpangpangngajaranri to disanganna melo.

Filipi 2:15

dikua namanassa lako tolino to tangmaruruh na togaja', kumua tomelo kamu' mimaruruh na te'da caccami, apa taun-Namo kamu' Puang Allataala. Miarrangngii to tolino to tangnturu' Puang Allataala susi arrang lako tosala lalan,

Jamanna Rasulu' 10:7

Ia tonna polemo joo malaeka', natambaimi Kornelius to dua kaunanna sola mesa' surudadu pangjoa'na to mangngagama Yahudimo.

Matius 8:5

Ia tonna malemo tama kota Kapernaum to Puang Isa, ratumi mesa' to komandan surudadu Roma mengkamalah-malah,

Lukas 3:10

Mekutanami to tobuda lako Nabi Yahya nakua, “Ia ke susii joo, apamo la kipugauk?”

Lukas 3:13

Mebalimi nakua, “Danggi' peta'dai la'bih buda na ia to napattantumo tomangparenta.”