Lukas 3:13 - Alkitab Duri

¹³ Mebalimi nakua, “Danggi' peta'dai la'bih buda na ia to napattantumo tomangparenta.”

Lukas 3:13 Referans Kwoze

1 Korintus 6:10

taboko, tomangkake'la, topangmalangoan, tompau gaja' tau, tokalasi, ia ngasanmo to tosusi joo te'da namenjaji umma'-Na Puang Allataala.

Lukas 19:8

Apa ke'dehhi Zakheus, nakua lako Puang Isa, “Oo Puang, sangsesena to ewananku' la kuben tokaasi-asi, na ia ke denni apanna tau kurampa, la kupapolean manglokkon penna'pa'.”

Efesus 4:28

Ia to tobiasa boko, danggi'mo naboko. Apa la maruruhri mangjama, naampa'i to la naputuona, nawa'ding too ntulungngi to tomakario-rio.

Matius 7:12

Pugaukki lako padammi rupa tau, to apa mikadoangngi napugauk tau lako kalemi. Nasaba' iamo joo to dipangpangngajaran lan sura'na Nabi Musa sola sura'na nabi laen.”

Ibrani 12:1

Ee, tomala'bihku'! Wa'ding dikua kumua, sininna joo tomatappa' tonna anu' susi saleu' mbombonniki'. Na ia joo kasa'bianna mpamawatang penawanta'. Iamo joo melo ke tapatorro ngasanni to apa mabanda', la'bih-la'bih dosa to tuli ssedeki'. Ia ke tapatorro ngasanmi, wa'dingmiki' mpugaukki to pakkaeloran-Na Puang Allataala ratu lako cappa'na.

Kada Bulawan 28:13

Ia to tombuni kasalanna te'da napusaroi, apa ia to tonnakui kasalanna napaja mpugaukki, la Nakamasei Puang Allataala.

Lukas 3:12

Ba'tu pira-pira passassung ratu toda lako Nabi Yahya la mangpejio'. Mekutanami nakua, “Ee, guru, apamo la kipugauk?”

Lukas 3:14

Den too ba'tu pira-pira surudadu mekutana toda nakua, “Na ia tee kami', umbomo nakua, apara la kipugauk?” Mebalimi nakua, “Danggi' mipakario-rio tau, ba'tu miparukui mben kamu' doi'. Sukkuru'i bangmi to gajimmi!”