Lukas 24:6 - Alkitab Duri

⁶ Te'damo Ia ntee. Tuo pole'mi Ia! Ingaranni to apa mangka napauan kamu' tonna jiopa tana Galilea,

Lukas 24:6 Referans Kwoze

Lukas 9:22

Nakuapa Puang Isa, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Markus 8:31

Ia tonna mangkamo joo, napamulami Puang Isa nnajahhi anak gurun-Na nakua, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Matius 28:6

Te'damo Ia ntee! Tuo pole'mi Ia, susi to napau jolona. Male kamu' mai mikitai tee ngenan dinii mpanii.

Lukas 9:44

“Pesa'dingngii mituli nningaranni tee kadang-Ku'! ‘Ia tee Aku' Anak Mentolino, la dipangbenna' lako kuasanna tolino.’ ”

Matius 27:63

nameta'da nakua, “Tabe' kita', kiingaranpa to kadan-Na joo tomangpalao sala tonna tuopa nakua, ianna allo mangpentallunnamo, la tuo pole', ade', jio mai kamatean.

Matius 16:21

Ia joo wattu napamulami Puang Isa mpauanni to anak gurun-Na kumua, “La malena' de' kota Yerusalem, anna pamaparri'na' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Matius 12:40

Susi Nabi Yunus torro lan ba'tang bale tallung allo tallung bongi, susi toomi la jaji lako tee Aku', Anak Mentolino, la torrona' lan lamunan tallung allo tallung bongi.

Markus 16:6

Mangkadami joo tokallolo nakua, “Danggi' mimalaja'! Kuissen kumua nnangah kamu' Puang Isa to-Nazaret, to mangka dipampang. Te'damo Ia ntee! Tuo pole'mi Ia. Kitami tee ngenan dinii mbujuhhi.

Lukas 24:5

Tarruh malaja'i, nacukku suju' do' litak, anna ia joo tau dua ngkuanni, “Ciapari miangah totuo lan tangnga-tangngana tomate?

Lukas 24:34

Nakuamo joo anak gurun-Na mangkada, “Nang tongan kumua, tuo pole'mi to Puang! Mangkamo mpangpekitan kalena lako Simon!”

Jamanna Rasulu' 2:24

Apa napatuo pole'mi Puang Allataala jio mai kamatean. Nala'paranmo Puang Allataala, moi naamma'i kamatean, sanga te'da lalo nakullei to kamatean la ntaloi tarruhhi.

2 Tesalonika 2:5

Ingaranni kumua mangka ngasanmo kamu' kupauan tee tontaiti' unapa sola.