Lukas 24:50 - Alkitab Duri

⁵⁰ Ia tonna mangkamo joo, nasolanmi Puang Isa to anak gurun-Na messun lan mai kota Yerusalem, na male lako kampong Betania. Nnangka'mi liman-Na ntuu jio nabarakka'ii.

Lukas 24:50 Referans Kwoze

Jamanna Rasulu' 1:12

Ia tonna mangkamo joo, polemi to rasulu' jao mai Buntu Zaitun de' kota Yerusalem. Ia joo buntu agi-agi mesa' kilo belana jio mai kota Yerusalem.

Matius 21:17

Messarakmi Puang Isa jio mai tuu lako tau, namale lako kota Betania, namangbongi jio.

Markus 11:1

Ia tonna mandoppi'mo kota Yerusalem, ratumi lako kota Betfage sola kota Betania jio sare buntu Zaitun, napajolomi Puang Isa to dua anak gurun-Na,

Markus 10:16

Ia tonna mangkamo Puang Isa mangkada susi joo, naraka' simesa'-mesa'mi joo pea, nakaka'i to ulunna anna barakka'ii.

Yosua 22:6

Nabarakka'imi Yosua namane' nneloranni male, apa napakainga'i jolo' kumua, “Sugihmo kamu', gaja budamo patuoanmi, bulawanmi, pera'mi, tambagami, bassimmi sola gaja budamo pakeanmi. Polemo kamu' mitawa rampa'i sola rapummi jio tana manahmi to ewanan mangka mirampa.” Mangkai joo too, ke'dehmi llan mai kota Silo llan tana Kanaan to suku Ruben, sola suku Gad, na sitangngana suku Manasye napole lako kampongna jio Gilead. Ia tee sitangngana suku Manasye mangpadang manahhi jio kadellekanna Sa'dan Yordan jio tana Basan to nabenni Musa. Na ia to sitangnganapa suku Manasye, nabenni Yosua tana manah llan kalambunanna Sa'dan Yordan siandah sile'tona.

Lukas 24:51

Ia tonna pugaukki joo, tiangka'mi de' suruga anna messarak jio mai anak gurun-Na.

Jamanna Rasulu' 1:9

Ia tonna mangkamo mpaui joo, tiangka'mi de' suruga nakita rasulu', nabombonni saleu' na te'damo nakitai.

1 Timotius 2:8

Ia ke sirempunki' la umbo-umbo tanii, kukadoangngi na ia to muane to massambajang, la nturu' pakkaeloran-Na Puang Allataala, na danggi' naden kamabirisan ba'tu kasisakkan.