Lukas 24:36 - Alkitab Duri

³⁶ Ia tonna mangcurita unapa tuu lako tau ta'pa ke'dehmi Puang Isa lan tangnga-tangngana nakuanni, “Salama' kamu', mimasannang!”

Lukas 24:36 Referans Kwoze

2 Tesalonika 3:16

Pole jio mai Puang Isa to kamasannanganta'. Dennaa upa' na Puang Isa da'tan mben kamu' sininna kamasannangan, naampai tarruh kamu' sola ngasan.

Lukas 10:5

Ia ammimentama bola la mikua, ‘Dennaa upa' nabarakka'i kamu' Puang Allataala!’

Markus 16:14

Mangkatampakanna mpangpekitanmi kalena Puang Isa lako sangpulo mesa anak gurun-Na, tonna kumande. Nacaccai Puang Isa, nasaba' kamembattukan penawanna nacia' ngkatappa'i curitanna to tongkitami kumua tuo pole'mi Ia.

Pengkitanna Yahya 1:4

Tomala'bihku' sola ngasan jio pitu jamaa inde' propinsi Asia! Dennaa upa' nabarakka'i kamu' Puang Allataala to den tee too, denmo tonna jolona, na den tarruh too, sola pitu roh jio olona cadokkoan mala'bih-Na Puang Allataala, na Puang Isa Almaseh, anna ben kamu' kamasannangan sola ngasan.

1 Korintus 15:5

Kupaissenan toomo kamu' kumua, ia tonna dipatuo pole'mo mpangpekitanmi kalena lako Petrus, namane' lako anak guru laen-Na.

Yahya 20:26

Sangminggu mangkanna joo, sirempun pole' omi to anak gurun-Na ntuu joo bola, najio todai Tomas. Dilacak ngasanni to ba'ba, apa ta'pa ratui Puang Isa, nake'deh lan tangnga-tangngana. Namangkada nakua, “Salama' kamu', mimasannang.”

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Yahya 14:27

Kupatorroan kamu' to la mipumasannang, iamo to kamasannangan pole jio mai Aku'. Ia joo kamasannangan kuben kamu' te'da nasusi to naben kamu' tolino. Danggi' mimausa' ba'tu malaja'.

Matius 10:13

Ia ke natarima melo kamu' joo ampu bola, ia joo pangbarakka'mi la torroi lan joo bola. Apa ia ke te'da natarima melo kamu', ake'mo na pole pole' joo pangbarakka'mi lako kalemi.

1 Korintus 15:7

Mangka oi joo, mpangpekitan omi kalena lako Yakub, namane' lako rasulu' sola ngasan.