Lukas 23:5 - Alkitab Duri

⁵ Apa ia tuu lako tau la'bih napattantui kumua, “Mpatuju sala tau la nnewa tomangparenta lan lili'na Yudea mellao jio mai Galilea, na ratu toomi ntee.”

Lukas 23:5 Referans Kwoze

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 1:43

Masawanna mangngattami Puang Isa male lako tana Galilea. Sitammumi Filipus, nakuanni, “Maleko mai nturu'na'.”

Markus 1:14

Ia tonna ditarungkumo to Nabi Yahya, malemi Puang Isa re' tana Galilea, na jio nanii mpangpeissenanni to Kareba Kasalamatan jio mai Puang Allataala.

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Jamanna Rasulu' 23:10

Sipekka tonggomi, namemmalaja' joo pangbarani kumua iamo ke nasigasa'ii to Paulus. Iamo joo nasuai to surudadunna male nnalai lan mai tangnga-tangngana, nabawai lako tangsi.

Jamanna Rasulu' 10:37

Miissenmo apa to mangka jaji lan lili'na tana Yudea, mammula jio mai tana Galilea to nanii Nabi Yahya njio' tobuda.

Jamanna Rasulu' 7:57

Pada ntampunni talinganna, napissennii mearrak naluruii to Stefanus.

Jamanna Rasulu' 7:54

Ia tonna sa'dingngi tuu lako Pangbicara Agama sininna to napau Stefanus, gaja pallami nasunggarigi'.

Jamanna Rasulu' 5:33

Gaja pallai tuu lako Pangbicara Agama tonna sa'dingngi joo, namadoang la mbunoi to rasulu'.

Yahya 19:15

Simetamba-tambanni nakua, “Bunoi, bunoi, pampangngi!” Nakutanaii Gubernur Pilatus nakua, “Madoangra kamu'ka ke aku' mpangpepampangan Rajami?” Mebalimi to kapala imang nakua, “Mesa-mesanna Tomaraja Roma rajaki'!”

Yahya 7:52

Mebalimi joo solana nakua, “To-Galilea todarokoka? La muparessai to Sura' Allataala, muissenni kumua te'da ia nabi pole lan mai tana Galilea.” [

Yahya 7:41

Den too to kumua, “Iamo tee Raja Mangpasalama'!” Apa den toopa to kumua, “Wah te'da nalapole lan mai tana Galilea to Raja Mangpasalama'!

Lukas 23:23

Apa metamba-tambai joo tobuda kumua nadipampang joo Puang Isa. Na katampakanna ditarima to peta'danna joo tobuda.

Lukas 11:53

Ia tonna salaimi Puang Isa joo bola, napemannanmi guru agama sola to-Farisi. Nabumbunni bang mangrupa-rupa pekutana lako,

Matius 27:24

Ia tonna kitai Gubernur Pilatus kumua te'damo nalampesa'dingngii tau, na la maricumi, nnalami wai nabasei limanna jio olona tobuda namangkada nakua, “Te'da kupuissenni to kamateanna joo tau! Issenmi kamu' sola ngasan.”

Matius 2:1

Ia tonna jajimo Puang Isa jio kota Betlehem, ratumi jao kota Yerusalem to ba'tu pira-pira tomacca ngkita bintuin jio mai kadellekan. Ia to kota Betlehem mesa' kota jio tana Yudea, to naparenta Raja Herodes.

Matius 11:1

Ia tonna mangkamo Puang Isa nnajahhi sangpulo dua anak gurun-Na, mpatarruh pole'mi kalingkan-Na male lako kampong to nasiandaran mpangpeissenan Kareba Kasalamatan.

Lukas 23:6

Ia tonna sa'dingngi Gubernur Pilatus joo, mekutanami nakua, “To-Galilearaka tee tau?”