Lukas 23:41 - Alkitab Duri

⁴¹ Ia mandari ia to kaladibunoanta' sola dua nang siangga' kita' panggaukanta'. Apa Ia tee tau, te'da lalo napugauk kasalan!”

Lukas 23:41 Referans Kwoze

1 Petrus 1:19

apa liwa' keangga'na. Iamo to rara-Na Almaseh dipake butung bembala' te'da caccana ba'tu kakuranganna dipangkaroban lako Puang Allataala.

Matius 27:24

Ia tonna kitai Gubernur Pilatus kumua te'damo nalampesa'dingngii tau, na la maricumi, nnalami wai nabasei limanna jio olona tobuda namangkada nakua, “Te'da kupuissenni to kamateanna joo tau! Issenmi kamu' sola ngasan.”

Matius 27:4

Nakua, “Sala tonggomo', nasaba' aku'mora napusaba' naladibuno to totangkasalan.” Apa mebalii tuu lako tau nakua, “Tangngia kami' issenki' tuu. Iko ikona.”

Yakub 4:7

Iamo joo mengkaturu' kamu' lako Puang Allataala, miewai to Ballisi', nasorong boko' jio mai kamu'.

Matius 27:54

Ia to komandan surudadu sola solana to nnampai Puang Isa, silajatan tonganni tonna sa'dingngi to nino sola nakitai to apa jaji, namangkada nakua, “Tonganna, Ia tee tau Anak Allataala.”

Matius 27:19

Ia tonna cumadokkomo Gubernur Pilatus ntangngahhi tee kara-kara, ratumi to pepasan jio mai bainena kumua, “Danggi' mpentamaii urusanna tee mai tonnewai tuu tau te'da kasalanna, nasaba' kupangtindoan joo tau te'da kasalanna na liwa' melajatan.”

Daniel 9:4

Mangngakuna' lako PUANG Allataala to kusompa, sanga ia to dosa kipugauk. Ia to passambajangku' susi tee, “Oo Puang Allataala to makuasa to kikalaja' kikasiri', tatta' Tapugauk to basse-Ta'. Tomamase-Ki' lako sininna tompakamoja'-Ki' na mpugauk parenta-Ta'.

Lukas 23:40

Apa ia to togaja'pa mesa' ngkuanni joo solana nakua, “Te'daraka iko mumalaja' lako Puang Allataala? Susi bangki' pada la dibuno.

Lukas 23:42

Nakua mangkada lako Puang Isa, “Oo Puang, taingaranna' dikka' ke ratuki' menjaji Raja!”

1 Tesalonika 2:10

Kamu' ngkitakan sola Puang Allataala kumua te'da salaki', tomelo penawangki' na te'da caccana to panggaukanki' lako kamu' to tomatappa' lako Almaseh.

1 Petrus 2:23

Ia tonna kada-kadaii tau, te'da too napebalii. Ia tonna pa'dikkii tau, te'da too nagarra'i kumua la napabalahhii, apa sande' lako bangngi Puang Allataala, Tomangra'tah maruruh.