Lukas 23:31 - Alkitab Duri

³¹ Nasaba' ia ke lako Aku', to sangrapang kaju tuopa, napugaukki susi tee, apa pole' opa ke lako kamu', to sangrapang kaju makasemo!”

Lukas 23:31 Referans Kwoze

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

Kada Bulawan 11:31

Ia una to tomakassing nadipabalahhi llan tee lino, la'bih-la'bih to togaja' na tomadosa nang la disessa.

Matius 3:12

Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh narempun melo lan pa'pak, apa ia to malangkona la nasumpun lan api to dukku tarruh.”

Yudas 1:12

Te'da namelo sipa'na tuu lako guru tangtongan. Ia ke kumande kamu' sola lan kasirempunanmi, liwa' maullak tuu lako tau na tangnnissen siri'. Mpangngundaran mesa kalena, te'da naingaranni kumua denpa tau laen. Ia tuu lako tau susii saleu' makase nairi' angin apa te'da nampaden uran. Susi tooi garonto' kaju te'da namembua, moi nawattunnamo la membua. Susi tooi garonto' kaju mangkamo direbu' sintong waka' namate.

Ibrani 6:8

Apa ia to padang ke natuoii dea sola duri, te'da bua'na. La natampakki ropu Puang Allataala na undinna la disumpun.

Daniel 9:26

Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

Lukas 23:30

Iamo joo wattu la mangkada to tau lako buntu, ‘I'pinnikan mai!’ Na lako buntu-buntu, ‘Samboikan mai!’

Lukas 23:32

Den toda dua togaja', nasolan surudadu la dipasibuno sola Puang Isa.