Lukas 23:2 - Alkitab Duri

² Ntuu jio nanii mparapa'i. Nakua mangkada, “Kiampa'i tee tau mpatuju sala bangsata'. Nnajahhi tau cia' mbajah sima lako Tomaraja Roma, nasaba' nakua, iamo Raja Mangpasalama', battuananna nakua kumua iamo Rajaki'.”

Lukas 23:2 Referans Kwoze

Yahya 19:12

Ia tonna sa'dingngi Gubernur Pilatus joo, nnangahmi lalan la lla'paran Puang Isa. Apa simetamba-tambanni to to-Yahudi nakua, “Ia ke tala'paranni, tangngiaki' soba'na Tomaraja Roma! Ia to tossanga kalena raja, iamo tonnewa Tomaraja!”

Lukas 23:14

Nakuanni, “Ia tee tau mibawa lako kaleku', misanga kumua nnajahhi sala tau. Na mangkamo kuparessa jio olomi, apa moi mesa' te'da kagajatan kuampa' napugauk la nnewa tomangparenta susi to miparapasanni.

Jamanna Rasulu' 24:5

Kikanassaimo tee tau mbawa abala' la'da'! Iamo puanggawana tonturu' pangngajaran-Na Puang Isa, to-Nazaret. Umbo-umbo nanii tuli mpaden kamaricuan lan tangnga-tangngana to-Yahudi lan lili'na lino.

Yahya 18:30

Mebalimi tuu lako tau nakua, “Ia ke la tangngia togaja', te'da kipangngoloi lako gubernur.”

Markus 12:17

Nakuamo Puang Isa, “Ia ke susii tuu, benni Tomaraja to apanna, miben tooi Puang Allataala to apan-Na!” Jangngah ngasanni ssa'dingngi joo pebalin-Na Puang Isa.

Matius 22:21

Mebalimi nakua, “Tomaraja Roma.” Nakuamo Puang Isa, “Ia ke susii tuu, benni Tomaraja to apanna, mibenni Puang Allataala to apan-Na!”

Jamanna Rasulu' 24:13

Na te'da too nakullei la mpangbuttii tee too, to apa naparapasanna' lako kaleta'.

Lukas 23:5

Apa ia tuu lako tau la'bih napattantui kumua, “Mpatuju sala tau la nnewa tomangparenta lan lili'na Yudea mellao jio mai Galilea, na ratu toomi ntee.”

Matius 17:27

Apa dikua danggi' namabirih tee mai tau, malemoko mamekan lako randan tasik. Ia to bale bungah muala den doi' lan anga'na, alai tapamajaranni sola dua tama Bola Puang Allataala.”

Amos 7:10

Den kapala imang jio kota Betel disanga Amazia, ngkiring pepasan lako Yerobeam, rajana to-Israel, susi tee, “Ia to Amos la mangngattai mesa' penawa sola tobuda la nnewaki', la nnancuru' kaparentanta'.

Matius 27:11

Ia tonna dipangngolomo Puang Isa lako Gubernur Pilatus, nakutanaimi nakua, “Tongannaraka, Ikomo Raja to-Yahudi?” Napebalimi nakua, “Susi tuu tapaunna, Aku'mo.”

Markus 15:2

Nakutanaimi Gubernur Pilatus nakua, “Tongannaraka, Ikomo Raja to-Yahudi?” Napebalimi Puang Isa nakua, “Susi tuu tapaunna, Aku'mo.”

Yahya 18:29

Iamo joo namale Gubernur Pilatus lako salean ngkutanaii nakua, “Apara miparapasanni tee tau?”

Roma 13:7

Jaji, bajahhi to sipato'na mibajah. Susinna sima la mibajah lako to tontarima sima, sassung la mibajah lako tomassassung. Kasiri'i to tosipato' dikasiri', pekatabe'ii to tosipato'na mipekatabe'i.