Lukas 22:70 - Alkitab Duri

⁷⁰ Nakua ngasan mangkada, “Ia ke susii joo, Ikomoraka tee Anak Allataala?” Mebalii Puang Isa, nakua “Susi tuu tapaunna, Aku'mo.”

Lukas 22:70 Referans Kwoze

Lukas 23:3

Nakutanaimi Gubernur Pilatus to Puang Isa nakua, “Tongannaraka, Ikomo Raja to-Yahudi?” Napebalimi Puang Isa nakua, “Susi tuu tapaunna, Aku'mo.”

Markus 15:2

Nakutanaimi Gubernur Pilatus nakua, “Tongannaraka, Ikomo Raja to-Yahudi?” Napebalimi Puang Isa nakua, “Susi tuu tapaunna, Aku'mo.”

Matius 27:11

Ia tonna dipangngolomo Puang Isa lako Gubernur Pilatus, nakutanaimi nakua, “Tongannaraka, Ikomo Raja to-Yahudi?” Napebalimi nakua, “Susi tuu tapaunna, Aku'mo.”

Matius 26:64

Mebalimi Puang Isa nakua, “Ie', susi tuu tapaunna, Aku'mo. Katappa'i kumua, mammula tee wattu, la mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'!”

Yahya 19:7

Nakua to to-Yahudi mebali, “Situru' atoranki', la dibuno Ia, nasaba' ssanga kalena Anak Allataala.”

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 10:36

matumbai misangana' ncapa' Puang Allataala, ke kukua ‘Anak Allataalana'’? Na Ambe' Ia mpileina' nasuana' tama lino.

Yahya 10:30

Aku' na Ambe'-Ku', tomesa'kan.”

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 1:34

Nakuapa Nabi Yahya, “Mangkamo' ngkita kalenai na kupangpeissenanmo kumua, Iamo Anak Allataala.”

Lukas 4:41

Nnula'i tooi setang lan mai buda tau. Ia tuu lako setang messun lan mai tau ntandai Puang Isa anna metamba nakua, “Anak Allataalako!” Apa nagarra'i Puang Isa joo setang, na te'da naeloranni mangkada, nasaba' naissen setang kumua Raja Mangpasalama' to Puang Isa.

Markus 14:62

Mebalimi nakua, “Ie', Aku'mo. La mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'.”

Matius 27:54

Ia to komandan surudadu sola solana to nnampai Puang Isa, silajatan tonganni tonna sa'dingngi to nino sola nakitai to apa jaji, namangkada nakua, “Tonganna, Ia tee tau Anak Allataala.”

Matius 27:43

Nakatappa'i to Puang Allataala, na nakua toopa kumua Anak Allataalai. Jaji la takitai, madoangrika Puang Allataala mpasalama'i tee too.”

Matius 4:3

Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Matius 26:25

Mebalimi Yudas to la mpangpejokkoan Puang Isa nakua, “Oo Guru, aku'ra tuu tasanga.” Mebalimi Puang Isa nakua, “Susimi tuu kadammu.”

Lukas 22:71

Mangkadami nakua, “Te'damo nadiparallui to sa'bi! Misa'ding kalenamo to kadan-Na!”