Lukas 22:52 - Alkitab Duri

⁵² Nakua Puang Isa lako kapala imang sola kapala pangjagana Bola Puang Allataala na pekaamberan to-Yahudi to ratu ntuu jio la njokkoi, “Misangaraka parampo'na', ammiratu sitakin pa'dang sola mbawa tarasulu' la njokkona'?

Lukas 22:52 Referans Kwoze

Lukas 22:4

Iamo joo malemi Yudas sipangkada-kada kapala imang sola kapala pangjagana Bola Puang Allataala umbo nakua la mpangpejokkoan Puang Isa.

Jamanna Rasulu' 5:26

Ta'pa malei joo kapala pangjagana Bola Puang Allataala sola taunna njokko pole'i joo rasulu'. Apa te'damo naewa karrahhi, sanga malaja'i lako tobuda, iamo ke nasilekko'i batu.

Yahya 17:12

Ia tongkusola unapa, kuasan-Ta' kupake nnampaii. Kuampai melomo anna moi mesa' te'da namasolang, saliwanna to pura dipattantumo anna jaji to diuki' lan Sura' Allataala.

Matius 26:55

Mangkai joo too nakuamo Puang Isa lako joo tobuda, “Misangaraka parampo'na', ammiratu sitakin pa'dang sola mbawa tarasulu' la njokkona'? Allo-allona' mangngajahhi jio Bola Puang Allataala na te'da mijokkona'.

Matius 26:47

Ia tonna mangkada bang unapa Puang Isa, ratumi Yudas, to sala mesa'na anak gurun-Na, ssolan buda tau sitakin pa'dang sola mbawa tarasulu', to nasua kapala imang sola pekaamberan to-Yahudi.

Lukas 22:37

Pugaukki joo, nasaba' la jajimo tee too to diuki' lan Sura' Allataala, to mpauna', nakua, ‘Dikita togaja'i.’ ”

Lukas 22:51

Apa nakua Puang Isa, “Ganna'mo!” Nasapumi Puang Isa talinganna joo tau, napamolei.

Lukas 22:53

Allo-allo solaki' jio Bola Puang Allataala, na te'da mijokkona'. Apa iamo tee wattunna minii sola kuasanna Ballisi' la mangpugauk.”