Lukas 22:36 - Alkitab Duri

³⁶ Nakuamo Puang Isa, “Apa ia tee wattu, ia ke denni karappe'mi iarika sepu'mi, bawai. Na ia ke te'dapi pa'dangmi, mibalukki to baju landomi miallianni pa'dang.

Lukas 22:36 Referans Kwoze

1 Tesalonika 3:4

Ia tontasola unapa, kipauan jolomo kamu' kumua la maparri'ki'. Tongan joo kada sanga mangkamo taperasai to parri'.

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

1 Petrus 4:1

Mangkami Almaseh mperasai kamapa'dikan jao kaju sitamben. Iamo joo moi kamu' la sadia toda kamu' mperasaii susi to naperasai Almaseh. Sanga ia to tomangkamo mperasai kamapa'dikan susi joo cia'mo mpugauk dosa.

Yahya 15:20

Ingaranni to apa mangkamo kupauan kamu', ‘Ia to mesa' kaunan te'da nala'bih matande na puangna.’ Jaji ia ke mangkamo' nasessa, moi kamu' la nasessa too. Na ia ke naturu'i to pangngajaran-Ku', la naturu' tooi to pangngajaranmi.

Matius 10:10

Danggi' too mibawa sepu', ba'tu baju duang lambah, iarika sapatu ba'tu tekken. Nasaba' ia to tomangjama, sipato' ntarima sarona.

Lukas 22:35

Mangkai joo too nakuanmi Puang Isa to anak gurun-Na, “Ia tongkusua kamu' tonna tee male mpangpeissenan Kareba Kasalamatan, kuanggai kamu' mbawa karappe', sepu' ba'tu sandala', kakuranganra kamu'ka?” Napebalii nakua, “Te'da!”

Lukas 22:37

Pugaukki joo, nasaba' la jajimo tee too to diuki' lan Sura' Allataala, to mpauna', nakua, ‘Dikita togaja'i.’ ”

Lukas 22:38

Nakuamo to anak gurun-Na, “Oo Puang, denmo dua pa'dang inde'.” Napebalii Puang Isa, “Ganna'mo!”