Lukas 21:12 - Alkitab Duri

¹² Ianna te'dapa najaji ngasan joo, la dijokko kamu' ammidipakario-rio. La dira'tah kara-karami jio bola passambajangan, ammidipatama pangtarungkuan. La dipangngolo kamu' lako raja sola tomangparenta, nasaba' mikatappa'ina'.

Lukas 21:12 Referans Kwoze

1 Petrus 2:13

La mituru' parentana sininna tomangparenta lan lino, nasaba' iamo nakadoangngi Puang. Mengkaturu' kamu' lako Tomaraja, nasaba' iara kaminang makuasa.

Jamanna Rasulu' 22:30

Gaja doangngi joo pangbarani to-Roma nnissenni apa sitonganna naparapasanni to-Yahudi joo Paulus. Iamo joo ia tonna masawanna nasuai sirempun to kapala imang na padanna Pangbicara Agama, napangpebukanni to pepumpungna nadipangngolo lako tosirempun jio.

Jamanna Rasulu' 9:4

Tipessambakki do' padang na den gamara nasa'ding metamba nakua, “Ee Saulus! Ee Saulus! Matumbai musessa tarruh bangna'?”

Jamanna Rasulu' 8:3

Apa ia to Saulus madoang tarruh bang la ssabu'i joo jamaa. Iamo joo namale llelei bola, narui' simesa'i lan mai la muane la baine, napangpetarungkuanni.

Jamanna Rasulu' 5:40

Napangpesuanni to rasulu' ratu, napekajui, namane' ngkuanni, “Te'damo miwa'ding mpangpangngajaranni to misanga Puang Isa.” Mangkai joo too dila'paranmi.

Yahya 15:20

Ingaranni to apa mangkamo kupauan kamu', ‘Ia to mesa' kaunan te'da nala'bih matande na puangna.’ Jaji ia ke mangkamo' nasessa, moi kamu' la nasessa too. Na ia ke naturu'i to pangngajaran-Ku', la naturu' tooi to pangngajaranmi.

Matius 22:6

Na den too to kannori njokkoi joo kaunan, napa'dikki, namane' mbunoi.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Matius 24:8

Ia tuu lako, mane' pamulannari kamasussan susi pa'dikkina ke mane' mangnguriwa'i to baine la keanak.

Lukas 21:11

Umbo-umbo nanii la den nino tonggo, ra'ba beang sola karorian la'da'. La jaji to apa mpamirrang bulu na tanda mepunininan jao langi'.

Yahya 15:21

Na la nasessa kamu', sanga mituru'na' na te'da too naissenni to Ambe' to ssuana'.